Žycharka Homiela źbiehła ad palityčnaha prysudu. Jaje paručalnikaŭ pakarali vialikimi štrafami
U Homielskim abłasnym sudzie 26 kastryčnika razhladałasia kryminalnaja sprava Aleny Kraviec, abvinavačanaj u sadziejničańni ekstremisckaj dziejnaści pa č. 1 art. 361-4 Kryminalnaha kodeksa. Spravu razhladaŭ sudździa Vasil Biahun, paviedamlaje «Homielskaja viasna».
Na stadyi papiaredniaha śledstva pa chadajnictvie znajomych i svajakoŭ abvinavačanaj była abranaja miera strymańnia ŭ vyhladzie asabistaha paručalnictva. U toj ža dzień paručycieli aznajomilisia pad rośpis z nastupstvami, praduhledžanymi ŭ dačynieńni da ich u vypadku nievykanańnia abvinavačanaj abaviazku ab jaŭcy pa patrabavańni orhanaŭ kryminalnaha pieraśledu i suda.
Pa zakančeńni sudovaha śledstva i vystupleńni dziaržaŭnaha abvinavaŭcy ŭ sprečkach sud abviaściŭ pierapynak. Na nastupnaje pasiadžeńnie 31 kastryčnika abvinavačanaja Kraviec nie źjaviłasia, advakat taksama nie viedaŭ pra pryčyny jaje adsutnaści.
Tady abvinavačańnie zaprasiła dla Aleny pazbaŭleńnie voli terminam na dva hady ŭ kałonii ahulnaha režymu.
U raźvićcio padziej pastanovaj sudździ Homielskaha abłasnoha suda Alena Kraviec była abjaŭlena ŭ vyšuk, miera strymańnia joj źmienienaja na zaklučeńnie pad vartu.
A pa patrabavańni prakuratury śledčy skłaŭ u dačynieńni da dvaich paručycielaŭ pratakoły i sabraŭ nieabchodnyja materyjały, jakija byli nakiravanyja ŭ sud dla razhladu.
Z ulikam pazicyi prakurora, pastanovaj suda Centralnaha rajona Homiela na 57-hadovuju S. nakładziena hrašovaje spahnańnie ŭ pamiery 100 bazavych vieličyń (3 200 rubloŭ), a na 66-hadovaha F. — 120 bazavych vieličyń (3 840 rubloŭ).
Alenu Kraviec pieršapačatkova zatrymali 26 lipienia niepasredna na pracoŭnym miescy. Tady jaje adpuścili na nastupny dzień i prysudzili štraf pa artykule 19.11 KaAP (raspaŭsiud «ekstremisckich» materyjałaŭ). A 4 žniŭnia Alenu znoŭ zatrymali, užo ŭ miežach kryminalnaj spravy.
Muža Aleny Kraviec taksama vyklikali ŭ Śledčy kamitet, dzie śćviardžali, što jon taksama pierasyłaŭ žoncy zabaronienuju infarmacyju. Ale ničoha padazronaha ŭ jaho telefonie tak i nie znajšli.
-
Palitviaźnia Uładzimira Knihu treci raz buduć sudzić za «złosnaje niepadparadkavańnie» ŭ kałonii
-
Sieviaryniec: My nie pavinny być ružovymi poni i kazać, što my budziem hładzić pa hałavie tych samych kadebistaŭ albo śpiecnazaŭcaŭ, jakija bjuć ludziej
-
«Łukašenka nazvaŭ nas deziercirami». Historyja biełaruski, jakaja ŭ 1970‑ja ŭciakła ź biełaruskaha kałhasa ŭ Litoŭskuju SSR
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary