Bołtan źbirajecca ŭ prezidenty. Jon try hady tamu pryjazdžaŭ u Minsk
Džon Bołtan paviedamiŭ, što vyłučyć svaju kandydaturu, kali Respublikanskaja partyja nie adkinie Trampa, jaki ŭžo zajaviŭ pra ŭdzieł u vybarach. Bołtan zrabiŭ zajavu paśla słoŭ Trampa ab skasavańni artykułaŭ Kanstytucyi, paviedamlaje RBK.
Eks-daradca byłoha prezidenta ZŠA Donalda Trampa pa nacyjanalnaj biaśpiecy Džon Bołtan paviedamiŭ u tvitary ab hatoŭnaści vyłučyć svaju kandydaturu na pasadu prezidenta ZŠA ŭ 2024 hodzie.
«Kali vy kidajecie vyklik samoj Kanstytucyi, [jak heta zrabiŭ Tramp], heta nie pa-amierykansku. Kali ciapierašnija kandydaty ŭ prezidenty ad Respublikanskaj partyi nie adkinuć Trampa, to ja hatovy ŭziać udzieł u honcy», — napisaŭ jon.
Da tvita jon prymacavaŭ videa efiru telekanała NBC, dzie kaža ab tym, što, na jaho dumku, prykładna 59% vybarščykaŭ nie ličyć Trampa bolš važnym, čym Kanstytucyja. NBC adznačaje, što svaju zajavu Bołtan zrabiŭ paśla taho, jak Tramp 3 śniežnia ŭ svajoj sacsietcy Truth dapuściŭ skasavańnie artykułaŭ Asnoŭnaha zakona.
Politico piša, što ŭ dopisie, jaki Tramp u vyniku vydaliŭ, havorka išła pra «machlarstva» na minułych prezidenckich vybarach u 2020 hodzie, kali Tramp byŭ kandydatam. «Masavaje machlarstva takoha typu i maštabu dapuskaje spynieńnie dziejańnia ŭsich praviłaŭ, pałažeńniaŭ i artykułaŭ, navat tych, jakija ŭtrymlivajucca ŭ Kanstytucyi», — pisaŭ Tramp.
Bołtan zajmaŭ pasadu daradcy pry Trampie z krasavika 2018 hoda pa vierasień 2019 hoda. Prezident ZŠA zvolniŭ daradcu praz razychodžańnie ŭ pohladach nakont pieramovaŭ z talibami i Kitajem.
U kancy žniŭnia 2019 hoda Bołtan pryjazdžaŭ u Minsk, dzie sustrakaŭsia z Łukašenkam. Tak, byli takija časy dosyć niadaŭna.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary