Ministr zamiežnych spraŭ Estonii adpraviŭ padarunak Pryhožynu ŭ adkaz
Ministr zamiežnych spraŭ Estonii Urmas Rejnsału raźmiaściŭ u svaim tvitary videa, u jakim jon kładzie ŭ kuferak kajdanki. Ź jahonych słoŭ, heta padarunak «rasijskamu najmitu Pryhožynu» i čakać jany buduć kiraŭnika «Vahniera» ŭ Haazie.
Rejnsału nazyvaje heta padarunkam u adkaz na adpraŭku akryvaŭlenaj kuvałdy ŭ Jeŭraparłamient. Kuvałda była pryładaj rezanansnaha zabojstva Jaŭhiena Nužyna, źniavolenaha, zavierbavanaha «Vahnieram», i jaki zatym zdaŭsia ŭ pałon ukraincam.
Dva dni tamu prapahandyscki telehram-kanał «Kibier front Z» paviedamiŭ, što «muzykanty» (adzin z epitetaŭ «Vahniera» ŭ prapahandzie) adpravili ŭ Jeŭraparłamient futlar z akryvaŭlenaj kuvałdaj (ślady kryvi nibyta byli butaforskija).
Heta padavałasia jak adkaz na rezalucyju ab pryznańni Rasii krainaj-sponsaram teraryzmu, pryniatuju za niekalki hadzin da hetaha. Telehram-kanał «Pres-słužba Pryhožyna», jaki prapanujecca ličyć aficyjnym ruparam biznesoŭca i pravadyra najmitaŭ, niezadoŭha da hetaha paviedamlaŭ ab pieradačy «pradstaŭnikam kibierfronta Z» niejkaha «infarmacyjnaha kiejsa dla pieradačy ŭ Jeŭraparłamient».
U kanale «Pres-słužba Pryhožyna» ŭžo źjaviŭsia adkaz na tvit Rejnsału. Jon niecenzurny, vulharna i ździekliva pierakručvaje imia estonskaha palityka, ale źmiastoŭnaja jaho častka hučyć tak: «ja sumniavajusia, što kajdanki dla mianie ŭ Haazie spatrebiacca, kiška tonkaja».
As we witnessed Russian mercenary Prigozhin send his bloody hammer to @Europarl_EN I'd like him to accept our little gift also that is waiting for him in #Hague. pic.twitter.com/jTXx6Z4tUO
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary