Hienasambleja AAN pryniała rezalucyju ab rasijskich reparacyjach, Biełaruś u tradycyjnaj mienšaści
Hienasambleja AAN pryniała rezalucyju ab nieabchodnaści raspracoŭki miechanizmu vypłaty Rasijaj reparacyj dla Ukrainy. Rezalucyju padtrymali 94 krainy, 73 dziaržavy ŭstrymalisia, 13 prahałasavali suprać.
U pryniataj rezalucyi, jakuju prapanavali Ukraina, Kanada, Hvatemała i Niderłandy, Hienasambleja AAN vykazałasia za pryciahnieńnie Rasii da adkaznaści za parušeńnie mižnarodnaha prava i pravoŭ čałavieka. Była paćvierdžanaja padtrymka suvierenitetu i terytaryjalnaj cełasnaści Ukrainy, a taksama vykazana patrabavańnie da Rasii nieadkładna spynić vajennyja dziejańni i vyvieści vojski z terytoryi ŭ miežach mižnarodna pryznanych miežaŭ Ukrainy.
Siarod 13-ci krain, jakija prahałasavali suprać rezalucyi, prahnazavana apynułasia i łukašenkaŭskaja Biełaruś. Akramia jaje, padtrymali Rasiju Kitaj, KNDR, Siryja, Iran, Centralna-Afrykanskaja Respublika, Efiopija, Kuba, ️ Zimbabve, Erytreja, ️ Bahamskija astravy, Mali i Nikarahua.
Z postsavieckich krain Hruzija i Małdova prahałasavali za, Armienija i centralnaazijackija krainy ŭstrymalisia, Azierbajdžan i Turkmienistan nie hałasavali. U Jeŭropie adzinym niaśmiełym sajuźnikam Rasii akazałasia Sierbija, jakaja pry hałasavańni ŭstrymałasia.
Kamientary