Rasijanie adstupajuć u bok pierapraŭ, padryvajuć masty pad Chiersonam, vialikija i małyja
Padryŭ mastoŭ u svaim tyle — znak, što rašeńnie pra adstupleńnie pryniataje.
Rasijskija vojski adstupajuć u kirunku časovych pierapraŭ na Dniapry.
Rasijskaja administracyja rychtavała adychod: z Chiersona vyvieźli narabavanuju majomaść, z pomnikami, karcinami z karcinnaj halerei i źviarami z zaaparka ŭklučna.
Na administracyjnych budynkach Chiersona źnikajuć rasiejskija ściahi, paviedamlaje rasijski prapahandyscki resurs Kotsnews.
Rasijskija vojski adstupajuć i sprabujuć uskładnić nastup ukrainskaj armii na Chierson. Rasijanie padarvali Darjeŭski most cieraz raku Inhulec
— heta vialiki prytok Dniapra, što razryvaje suviaź miž Novaj Kachoŭkaj i Chiersonam.
Akramia taho, rasijanie ŭzarvali Ciahinski dy Novavasiljeŭski masty ŭ Chiersonskaj vobłaści.
Istotnaj pieraškodaj na šlachu ukrainskaj ataki heta stać nie pavinna, adnak temp nastupu zapavolić. Pry hetym varta adznačyć: uzarvanyja masty znachodziacca ŭ tyle ahresaraŭ, a značyć, ich adstupleńnie nabyvaje pradvyznačany charaktar.
Rasijanie padryvajuć navat małyja masty i šluzy.
Ukrainskaja armija naniesła ŭdary z troch kirunkaŭ: na poŭdni kala Čornaha mora, na poŭnačy chiersonskaha płacdarma rasijan kala Myłavoha i ŭ centry, kala Śnihiroŭki — heta adziny rajcentr Mikałajeŭskaj vobłaści, jaki rasijanie ŭtrymlivali. Asabliva žorstkija bai razharnulisia tam, u rajonie Śnihiroŭki, praryŭ tam razrezaŭ by chiersonski kavun na dźvie pałavinki.
Mienavita na hetym napramku ŭkraincy ŭnačy ździejśnili praryŭ. Paviedamleńni z frontu abryŭkavyja, ale, zdajecca, USU zamacavalisia na paŭnočnaj vakolicy Śnihiroŭki ŭzdoŭž čyhunačnaj vietki.
«Bai nie spyniajucca treci dzień, vorah nanosić masiravanyja ŭdary: pracujuć tanki, artyleryja, HIMARS i navat avijacyja, — piša RVvoenkor. — Na šerahu učastkaŭ frontu našy vymušana adychodziać na zapasnyja pazicyi».
«Pastupajuć abryŭkavyja źviestki ab advodzie US Rasii na levy bierah», — piša kanał «Dva majora».
A ŭ samim Chiersonie rasijskija ściahi masava źnikajuć z budynkaŭ. Rasijskija telehram-kanały apublikavali fota. Aleja niabiesnaj sotni, budynak Marskoha kaledža, Dom prafsajuzaŭ dy Marskaja akademija ŭžo stajać bieź ściahoŭ. Pakul trykałor zastajecca na fłahštoku haradskoj administracyi. Ale tendencyja vidavočnaja.
U chiersonskich čatach pišuć, što maršrutki, balnicy i palikliniki ŭ rehijonie pierajšli na pracu z maskoŭskaha na ŭkrainski čas — simvaličny krok.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary