U Iranie pamior «samy brudny čałaviek u śviecie», pamyŭšysia pieršy raz za 60 hadoŭ
U Iranie pamior samotnik Amu Chadžy, jaki nie myŭsia bolš za 60 hadoŭ i kuryŭ lulku, nabituju ekskremientami žyvioł. Čałaviek, jakoha nazyvali «samym brudnym čałaviekam u śviecie», pamior u vioscy Dejha ŭ paŭdniovaj pravincyi Fars. Jamu było 94 hady, paviedamlaje The Guardian sa spasyłkaj na iranskaje dziaržaŭnaje infarmahienctva IRNA. Niekalki miesiacaŭ tamu adnaviaskoŭcy Amu Chadžy ŭhavaryli jaho pamycca ŭpieršyniu za doŭhi čas.
U 2014 hodzie Amu Chadžy raskazaŭ žurnalistam vydańnia Tehran Times, što pieražyŭ «emacyjnyja niaŭdačy ŭ maładości», praz što admoviŭsia mycca. Mužčyna žyŭ u šłakabłočnaj chałupie i nie myŭsia z vadoj i myłam bolš za 60 hadoŭ.
Chadžy jeŭ źbitych na darozie žyvioł, piŭ niaśviežuju vadu, kuryŭ lulku, napoŭnienuju ekskremientami, i ličyŭ, što myćcio zrobić jaho chvorym.
Na fotazdymkach bačna, što cieła Amu Chadžy było pakryta sažaj.
U mužčyny nie było siamji, ale adnaviaskoŭcy imknulisia kłapacicca pra jaho. Niekalki miesiacaŭ tamu jany ŭhavaryli Amu ŭpieršyniu za 60 hadoŭ pamycca, a 23 kastryčnika mužčyna pamior.
Paśla śmierci Chadžy nieaficyjnym «rekardmenam» u jahonaj naminacyi moža stać Kajłaš «Kałaŭ» Sinhch ź Indyi, jaki taksama nie myŭsia bolš za 30 hadoŭ.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»29
Kamientary