Zatrymany za dziaržaŭnuju zdradu dyrektar pradpryjemstva «Mator Sič» bolš za 20 hadoŭ maje rasijskaje hramadzianstva
Zatrymany dniami za dziaržaŭnuju zdradu prezident zaparožskaha pradpryjemstva «Mator Sič» Viačasłaŭ Bahusłajeŭ maje hramadzianstva Rasii, śviedčać dakumienty, jakija jość u rasparadžeńni žurnalistaŭ prajekta Ukrainskaj słužby Radyjo Svaboda «Schiemy».
Bahusłajeŭ maje rasijskaje hramadzianstva jašče z 2000 hoda. Z tych časoŭ jon 4 razy abiraŭsia ŭ narodnyja deputaty i byŭ členam kamiteta Rady pa pytańniach nacbiaśpieki i abarony, što praduhledžvała atrymańnie dostupu da dziaržtajamnicy.
U adpaviednaści z vypiskaj z AS «Raspašpart», 15 kastryčnika 2000 hoda Viačasłaŭ Bahusłajeŭ źviarnuŭsia ŭ pašpartna-vizavy adździeł unutranych spraŭ pa Maskvie z zajavaj ab atrymańni pašparta hramadzianina Rasii ŭ abmien na saviecki pašpart ad 1979 hoda. Data atrymańnia im pašparta hramadzianina Rasijskaj Fiederacyi — 18 kastryčnika 2000 hoda.
Sam Bahusłajeŭ naradziŭsia ŭ 1938 hodzie ŭ kazachstanskim Uralsku, tam ža pravioŭ dziacinstva i junactva, a ŭ Zaparožža pryjechaŭ na pracu ŭ 1961 hodzie i z toj pary tam i žyŭ, dasłužyŭšysia ŭrešcie da kiraŭnika adnaho z samych mahutnych pramysłovych pradpryjemstvaŭ va Ukrainie. U tym ža 2000 hodzie jon, darečy, atrymaŭ i hanarovaje zvańnie Hieroja Ukrainy, jakoje z pačatku druhoha prezidenckaha terminu Leanida Kučmy stali razdavać va Ukrainie davoli masava, u tym liku vysokim čynoŭnikam i dyrektaram bujnych pradpryjemstvaŭ.
Bahusłajeva 22 kastryčnika zatrymała SBU pa padazreńni ŭ kałabaracyjnaj dziejnaści i dapamozie dziaržavie-ahresaru. Havorka idzie pra kryminalnuju spravu adnosna niezakonnaj pastaŭki z boku «Mator Sič» tavaraŭ vajennaha pryznačeńnia dla rasijskaj šturmavoj avijacyi, prytym heta rabiłasia ŭžo navat paśla pačatku paŭnamaštabnaj vajny pamiž Rasijaj i Ukrainaj.
Čytajcie taksama:
SBU paviedamiła, u čym padazrajecca Hieroj Ukrainy Bahusłajeŭ
Va Ukrainie SBU zatrymała Hieroja Ukrainy, adnaho z najbahaciejšych ludziej krainy
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary