«U našaj arhanizacyi 70% atrymali pozvy»: što viadoma pra schavanuju mabilizacyju ŭ Biełarusi
Režym Alaksandra Łukašenki razhortvaje vajennyja pryhatavańni. «Naša Niva» atrymlivaje sihnały z usioj krainy ab tym, što mužčynam prychodziać pozvy ŭ vajenkamat. Praparščykam i staršynam prapanujuć pieravučvacca ŭ lejtenanty, vialikaja patreba ŭ kiroŭcach tankaŭ. Ad pradpryjemstvaŭ patrabujuć śpisy vajennaabaviazanych. Hienierały jeździać pa zavodach i rychtujuć ludziej da vajny. My sabrali toje, što na siońnia viadoma pra «tajemnuju mabilizacyju».
«Napačatku kastryčnika pryjšoŭ list źjavicca ŭ vajenkamat dla ŭdakładnieńnia źviestak. Pryjechaŭ u vajenkamat — uručyli pozvu na zbory. Sa mnoj u adzin dzień było 8 čałaviek. Usie my byli kiroŭcami vajskovaj techniki. Kartak pryzyŭnikoŭ ža było našmat bolš, u toj tečcy, adkul jany dastavali. Vydali pozvu na zbory, ale ja na ich nie pajedu, vyjedu časova z krainy. Jość chałturka za miažoj», — kaža žychar adnaho z rajcentraŭ.
«Zaprašali staršyn i praparščykaŭ zapasa na kursy pierapadrychtoŭki i pavyšeńnia zvańnia da lejtenanta — kamandzira ŭzvoda. Dla čaho spatrebilisia małodšyja aficery, ja nie viedaju, nie patłumačyli, skazali, što «płanava». Pry hetym vyklikali jašče ŭ vieraśni, a voś pozva na zbory na kastryčnik», — skazaŭ čałaviek, jakomu nie ŭdałosia admovicca ad mabilizacyi.
«Zvanili z vajenkamata, zaprašali viarnucca na słužbu. Z čym źviazana takaja vostraja patreba Radzimy ŭva mnie, nie patłumačyli, skazali tolki, što zarobkam budu zadavoleny. Ja ŭziaŭ paru dzion «na padumać» i źmianiŭ numar. Kab raniej zvanili i zaprašali ŭsio kinuć, ja nie pamiataju», — raskazaŭ «Našaj Nivie» adstaŭny staršy aficer.
«U nas 70% mužykoŭ atrymali pozvy «na zbory». Pieradusim kiroŭcy vajskovaj techniki pa vajskova-ŭlikovaj śpiecyjalnaści», — skazaŭ nam kiraŭnik nievialikaj arhanizacyi ź Minskaj vobłaści.
Čytajcie taksama: «U tym liku šlacham užyvańnia vajennaj siły». Minsk pahražaje Ukrainie, Polščy i Litvie kompleksam «previentyŭnych mier stratehičnaha strymlivańnia»
«U nas mužykam prychodziać pozvy, vyklikajuć «na zbory», ale miakieńka ŭ trubcy namiakajuć, kab nie jechali, šukali balački. Chvoryja, padkreślivajuć tak vyrazna, nam nie patrebnyja», — kaža mužčyna z Hrodnienskaj vobłaści.
Tym časam, jak stała viadoma «Našaj Nivie», navat ad škoł i ŭniviersiteckich kafiedraŭ patrabujuć sfarmiravać śpisy vajennabaviazanych supracoŭnikaŭ i zdać vajenkamatam.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy13
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary