Ekanomika1111

U «Biełkalija» prablemy. Raspytali rabotnikaŭ fłahmana pra realny stan pradpryjemstva

Ekspart na dadzieny momant nie pieravyšaje 20 pracentaŭ ad byłych siarednich abjomaŭ.

«Biełaruśkalij». Skład hatovaj pradukcyi. Fota: kali.by

U vieraśni na naradach i płaniorkach kiraŭnictva «Biełaruśkalija» narešcie pryznała krytyčnaść situacyi, raskazali «Našaj Nivie» šachciory. Da taho prablemy admaŭlali.

Kiraŭnictva «Biełaruśkalija» pryznałasia kalektyvu, što ekspart zastajecca na minimalnym uzroŭni. Ličby kiraŭnictva nie nazyvała, ale pa acency supracoŭnika «Biełkalija», ź jakim my havaryli, ciapier ekspart nie pieravyšaje 20 pracentaŭ ad byłych siarednich abjomaŭ. Hetyja kolkaści dastaŭlajucca ŭ Kitaj i Indyju čyhunačnym transpartam praz Rasiju.

Praciahvajecca i adhruzka techničnaj soli, jakuju rassypajuć u bihbehi i adpraŭlajuć u tuju ž Rasiju, ale dola takoj pradukcyi ŭ abarocie nikoli nie była vialikaja.

Rabočych abjadnańnia pa čarzie adpraŭlajuć na 2/3 ad taryfnaj staŭki (akłada) adpačyvać doma. Navat kiraŭničy skład sa «śviečki» — budynka ŭ centry Salihorska, dzie siadzić mieniedžmient pradpryjemstva, pavinien kožny miesiac «adbyvać» doma pa piać dzion.

Poŭnym chodam idzie i tak zvanaje «ŭskosnaje» skaračeńnie pracoŭnych miescaŭ. Ałharytm prosty — ludzi vychodziać pa ŭzrostu na piensiju ci zvalniajucca (ich zvalniajuć) pa roznych pryčynach, a na ich miescy nikoha nie nabirajuć, štat niaŭchilna skaračajecca. Heta častka mieraŭ pa aptymizacyi vydatkaŭ «Biełkalija».

Akramia taho, možna ŭzhadać, što dva hady nie zakupajecca novaje abstalavańnie, na što składanaja miechanika i elektronika, a taksama technična-inžyniernaje hornaje abstalavańnie reahujuć bolš častymi avaryjami. Drot, prychvatka, «koł» i izastužka — kłasičnyja pamahatyja pieršych šachcioraŭ Salihorska, aktualnyja znoŭ.

Tak zvanaja padziemnaja «elita» — zdabytčyki — apuskajucca ŭ zaboj u asnoŭnym dla taho, kab pierasunuć hidraŭličnyja krepi i vykanać minimum prafiłaktyčnych prac, bo ad padziemnaha pastajannaha cisku moža zadušyć łavy i prachodčyja štreki. Kali jašče paru hadoŭ tamu šachcior z udarnaj zabojnaj bryhady zarablaŭ pad 5000 rubloŭ, ciapier jon nie atrymlivaje i dźvie. I chacia hetaja ličba i ciapier vyhladaje salidnaj u paraŭnańni ź inšymi pradpryjemstvami Biełarusi, treba razumieć, što takich zabojščykaŭ praparcyjanalna da ŭsich pracujučych u «Biełkalij» — mizier.

Ramontniki, mantažniki, fabryka pierapracoŭki, absłuhoŭvajučy piersanał i inšyja dapamožnyja słužby zaŭsiody zarablali značna mienš. Tamu, adpaviedna, i ŭ hetaj situacyi i ich zarobki ŭpali.

Fota: «Salihorsk-Naviny» 

U vyniku padzieńnia zarobkaŭ paskarajecca pracoŭnaja emihracyja salihorcaŭ u Jeŭropu. «Biełkalij» na kaleniach, što ja tam budu čakać», — tak acharaktaryzavaŭ situacyju «Našaj Nivie» adzin z takich.

Administracyja Alaksandra Łukašenki źviazvaje nadziei z pabudovaj porta pad Pieciarburham dla ekspartu biełaruskaha kaliju ŭ abychod Litvy.

Adnak ci nie vyjdzie tak, što ŭ adkaz na dalejšuju eskałacyju vajennych dziejańniaŭ va Ukrainie suśvietnaja supolnaść uviadzie jašče bolš žorstkija abmiežavańni? Takuju dumku vykazaŭ nam adzin ź inžynieraŭ «Biełaruśkalija». Na jahonuju dumku, stabilnaja praca harantavana adnaviłasia b u vypadku narmalizacyi palityčnaj situacyi ŭ krainie i dobrasusiedskich adnosin z krainami Jeŭropy.

Kamientary11

  • Kastorkin
    15.10.2022
    Raspytajcie pracoŭnych Biełmiedpreparataŭ, uvohule achvihiejecia.
  • by
    15.10.2022
    Majecie toje što zasłužyli, raby mohuć pracavać i za misku rysu... nie, prabačcie - za košyk bulby
  • Mar
    15.10.2022
    Dumali tichońko pod ziemlej otsidieťsia, poka ich tovariŝi pytaliś bastovať. Nie chotieli ostanavlivať proizvodstvo. A pridiotsia.

Ciapier čytajuć

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Usie naviny →
Usie naviny

«Na dziva mocna pracuje hieahrafičny faktar». Vydaviec Andrej Januškievič raskazaŭ, jak raspaŭsiudžvaje biełaruskija knihi praz Amazon

«Dziaržava ličyć, što ŭ hetym prajekcie, jak i ŭ joj samoj, jość načalniki». Jak žyvie biełaruskaja Vikipiedyja padčas represij3

Navukoviec raskazaŭ pra budučyniu cialat, jakich naradzili biełaruskija karovy ad zubra2

U Hrodzienskim zaaparku lisa-babula stała mamaj dla małych lisianiat VIDEA

Pierastaŭ adkryvacca sajt «Viačerniaha Babrujska»

Chedłajnieram kancerta paśla viełakarnavała «Viva, Rovar» budzie Stas Pjecha1

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły11

Stała viadoma, kudy pajšła pracavać Mis Biełaruś — 2023 Eleanora Kačałoŭskaja15

Na pradpryjemstvie «Minskprambud» uviali źniešniaje kiravańnie

bolš čytanych navin
bolš łajkanych navin

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Hałoŭnaje
Usie naviny →

Zaŭvaha:

 

 

 

 

Zakryć Paviedamić