Ciapier sprabavać naładzić rasijski supraciŭ ukrainskamu nastupleńniu budzie hienierał Siarhiej Suravikin. Jon pryznačany kamandujučym «Abjadnanaj hrupoŭkaj vojskaŭ u rajonie praviadzieńnia śpiecapieracyi», paviedamiła Ministerstva abarony Rasii.
U kancy červienia Siarhiej Suravikin staŭ kamandujučym paŭdniovaj hrupoŭkaj rasijskich vojskaŭ va Ukrainie, jakaja viała nastup u Zołatym i Horskim Łuhanskaj vobłaści. Da hetaha jon byŭ kamandujučym rasijskaj hrupoŭkaj u Siryi, a z 2017 hoda ŭznačalvaje Vajenna-kaśmičnyja siły Rasijskaj Fiederacyi.
Upieršyniu z pačatku vajny rasijskaje Ministerstva abarony aficyjna pryznačyła kamandujučaha ŭsimi siłami svajoj «śpiecapieracyi».
Suravikinu praz try dni spoŭnicca 56 hadoŭ. Jon viadomy siarod inšaha tym, što ŭ žniŭni 1991 hoda kamandavaŭ 1-m matastrałkovym bataljonam 2-j hvardziejskaj motastrałkovaj dyvizii. Padraździaleńnie pad jahonym kamandavańniem było ŭviedziena putčystami ŭ Maskvu i mienavita ad ruk jaho vajskoŭcaŭ zahinuli try adzinyja achviary tych dzion — Dźmitryj Kamar, Illa Kryčeŭski i Uładzimir Vusaŭ. Suravikin paśla taho byŭ zatrymany na 7 miesiacaŭ, ale byŭ apraŭdany, bo «vykonvaŭ zahad». I paśla taho zrabiŭ dobruju vajskovuju karjeru.
Ciapier čytajuć
Dźmitryj Łukašenka choča pastavić pad kantrol usie mabilnyja telefony11
Kamientary