Fiestyval kino, dzie pakažuć krutyja filmy sa Skandynavii i krain Bałtyi, u hetym hodzie budzie biaspłatnym
Fiestyval kino Paŭnočnych i Bałtyjskich krain «Paŭnočnaje źziańnie» projdzie z 20 pa 30 listapada jak online dla ŭsich, tak i offline ŭ Talinie, Vilni i Stakholmie. Ën budzie pryśviečany temie doma, ab čym śviedčyć sioletni słohan: «Jak doma». Filmy i iventy «Źziańnia» ŭpieršyniu buduć dastupnyja dla hledačoŭ biaspłatna pa rehistracyi. Adnak kamanda fiestyvalu prosić ab padtrymcy.
Fiestyval pradstaŭlaje hulniavoje i dakumientalnaje kino sa Šviecyi, Finlandyi, Narviehii, Danii, Isłandyi, Litvy, Łatvii i Estonii. Z 2018 hoda ŭ prahramie ŭdzielničajuć taksama filmy z Farerskich astravoŭ, z 2019 — z Hrenłandyi.
«Paŭnočnaje źziańnie», jakoje projdzie sioleta ŭ vośmy raz, zastałosia adnym ź niešmatlikich kinafiestyvalaŭ, jaki, niahledziačy na pandemiju i represii, nie prapuściŭ anivodnaha hoda i praciahvaje dziejničać u farmacie mižnarodnaha ahladu: z kuratarskaj prahramaj, retraśpiektyvami, ułasnym manifiestam, dyskusijami i guest stars.
Niahledziačy na toje, što čalcy kamandy ŭžo pa-za radzimaj, raskidanyja pa ŭsim śviecie, jany rychtujuć siurpryzy ŭ novaj prahramie.
Sioleta na fiestyvali nie budzie kłasičnych kvitkoŭ za prahlad filmaŭ. Kino stanie bolš dastupnym, bo hladzieć jaho možna budzie biaspłatna, pa rehistracyi. Zamiest «tradycyjnych» kvitkoŭ źjavicca mahčymaść zadanacić na sajcie i tym samym padtrymać fiestyval.
Hledačy zmohuć vybrać sumu danata na svajo mierkavańnie i padtrymać «Źziańnie» ŭ niekalki klikaŭ. Taksama možna vybrać, ci padtrymać fiestyval adzin raz albo rabić heta kožny miesiac (hetuju funkcyju možna adklučyć paźniej).
«Nam patrebnaja vaša padtrymka, kab praz kino, praz suśviet kinafiestyvalu i mahčymaści netvorkinhu, jakija jon daje, raskazvać pra biełarusaŭ i biełarusak.
Kab movaj kino i vusnami znakamitych zamiežnych režysioraŭ, čyje filmy my pakazvajem na «Źziańni», raskazvać pra Biełaruś i nabližać jaje da śvietłych źmienaŭ, da kaštoŭnaściaŭ svabody i roŭnaści», — kažuć arhanizatary fiestyvalu.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali5
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary