«Pazicyja Litvy paśla 24 lutaha nie źmianiłasia»: Cichanoŭskaja sustrełasia z premjerkaj Šymanicie
Premjer-ministarka Litvy Inhryda Šymanicie naviedała pradstaŭnictva biełaruskaj demakratyi ŭ Vilni, dzie abmierkavała ź lidarkaj demakratyčnaj Biełarusi Śviatłanaj Cichanoŭskaj situacyju ŭ Biełarusi, udzieł režymu Łukašenki ŭ vajnie Rasii suprać Ukrainy, stanovišča biełarusaŭ, jakija źjechali praz represii.
«Z samaha pačatku represij u Biełarusi, i asabliva z pačatkam vialikaj chvali represij paśla čarhovych skradzienych Łukašenkam prezidenckich vybaraŭ u 2020 hodzie, Litva stała časovym domam dla biełarusaŭ, vymušanych biehčy sa svajoj krainy. Zapeŭnivaju vas, što hetaja pazicyja nie źmianiłasia paśla 24 lutaha — my budziem i dalej rabić usio, kab pradstaŭniki biełaruskich demakratyčnych sił i arhanizacyj hramadzianskaj supolnaści i ŚMI byli ŭ biaśpiecy ŭ Litvie i mahli hodna žyć i pracavać», — pieradaje słovy premjer-ministra pres-słužba.
Šymanicie adznačyła, što ciapier, kali pozirki ŭsiaho śvietu prykavanyja da Ukrainy, jakaja vajuje, Litva nie moža zabyvać i pavinna praciahvać padtrymlivać biełarusaŭ u ich baraćbie za demakratyju. «Litva budzie i dalej imknucca zachavać spravu svabody Biełarusi ŭ mižnarodnym paradku dnia, padtrymlivała i budzie padtrymlivać patrabavańni biełarusaŭ ab spynieńni represij u krainie, vyzvaleńni i poŭnaj reabilitacyi palitviaźniaŭ, praviadzieńni svabodnych i demakratyčnych vybaraŭ», — zajaviła premjerka.
-
Łukašenka paskardziŭsia, što situacyja ŭ Biełarusi «padobnaja da abłožanaj krepaści»
-
«Jany kašmaryli ŭsich». Susiedzi pra siamju Lipskich, jakija «płanavali zabojstva bolš za 40 čałaviek»
-
Biełaruska z tyktoka daviedałasia, što jaje maci zahinuła na vajnie. A taja žyvaja-zdarovaja i nie źbirałasia vajavać za Rasiju
Ciapier čytajuć
«Jany kašmaryli ŭsich». Susiedzi pra siamju Lipskich, jakija «płanavali zabojstva bolš za 40 čałaviek»1
Kamientary