Navuka i technałohii11

Za maskvičami sočać adrazu čatyry ałharytmy raspaznavańnia asob. Adzin ź ich — skandalna viadomy biełaruski

Ułady Maskvy sočać za žycharami z dapamohaj adrazu čatyroch technałohij raspaznańnia tvaraŭ — jany pracujuć adnačasova i kankurujuć adna z adnoj, daviedałasia Ruskaja słužba «Bi-Bi-Si».

Maskoŭskaja sistema videanazirańnia vykarystoŭvaje ałharytmy NtechLab, Tevian FaceSDK, VisionLabs Luna Platform i Kipod — toj, što dapamahaje biełaruskim siłavikam. Razam jany ŭmiejuć raspaznavać nie tolki tvary, ale navat emocyi ludziej.

Heta stała viadoma z tenderaŭ. AT «Elektronnaja Maskva» u siaredzinie leta raźmiaściła čatyry kantrakty na pasłuhi pa techpadtrymcy sistemy videaanalityki. Za dva hady čynoŭniki chočuć vydzielić na jaje absłuhoŭvańnie kala 800 młn. rasijskich rubloŭ.

Biełaruski ałharytm

Kipod — raspracoŭka rasijska-biełaruskaj kampanii «Sinezis». Jaje karani — u minskim parku vysokich technałohij. Krychu paźniej źjaviŭsia i ofis u padmaskoŭnym «Skołkava».

Pieršapačatkova kampanija zajmałasia raspracoŭkami prahramnaha zabieśpiačeńnia na zamovu, ale potym stała rabić ułasnyja pradukty. Sistema intelektualnaha videanazirańnia Kipod — adzin ź ich.

Mienavita Kipod staŭ asnoŭnaj technałohijaj raspaznańnia tvaraŭ, jakaja była ŭkaranionaja biełaruskimi ŭładami ŭ krainie i dapamahała miascovymi siłavikam znachodzić tych, chto ŭdzielničaŭ u akcyjach pratestu suprać falsifikacyi vybaraŭ u Minsku ŭ 2020 hodzie. U vyniku i «Sinezis», i adzin z zasnavalnikaŭ kampanii Alaksandr Šatroŭ trapili pad sankcyi ES i ZŠA — za pradastaŭleńnie biełaruskim uładam płatformy dla sačeńnia i identyfikacyi praciŭnikaŭ režymu, vynikaje z aficyjnych dakumientaŭ ES.

Na svaim sajcie «Sinezis» paćviardžaje, što mienavita Kipod pracuje na stancyjach maskoŭskaha mietrapalitena. Akramia pošuku pa fatahrafii, jana, pa śćviardžeńni raspracoŭščykaŭ, moža znajści čałavieka pa prykmietach — treba ŭkazać jaho prykładny ŭzrost, poł, rasu, ci nosić jon akulary, baradu ci vusy.

Z dapamohaj kamier, padklučanych da Kipod, biełaruskija siłaviki, naprykład, nibyta zmahli vysačyć i zatrymać apazicyjnaha błohiera Mikałaja Dziadka, paviedamlaŭ prajekt ByPOL (abjadnoŭvaje byłych supracoŭnikaŭ pravaachoŭnych orhanaŭ Biełarusi).

U lutym 2022 hoda ByPOL vypuściŭ videarasśledavańnie, pryśviečanaje Kipod. U im, u pryvatnaści, apublikavany aŭdyjozapis telefonnaj razmovy pamiž, jak śćviardžaje ByPOL, dvuma vysokapastaŭlenymi biełaruskimi siłavikami.

«Tam pa pracentnych suadnosinach možna šukać supadzieńni. 100% uvohule redka kali vydaje niešta, zvyčajna ad 50% da 80% pracujem, a kali nižej źnižaješ, ich vielmi šmat, i treba ŭ ručnym režymie adhladać […]. Kali u Kipod vydaje «supad», jano pakazvaje kavałačak videa. Jaho naciskaješ, adčyniaješ — i možna pahladzieć frahmient zapisu mietro pierachodu peŭnaha čałavieka, na kaho «supad» daje, jak jon vyhladaje», — dzielicca adzin ź ich dośviedam pracy z ałharytmam.

U samoj kampanii paśla ŭskosna paćvierdzili sapraŭdnaść razmovy, adznačyŭšy, što havorka idzie pra pošuk złačynca, jaki napaŭ u Minsku z nažom na žančynu.

U «Sinezisie» naohuł kamientujuć kožnuju publikacyju ab pracy Kipod u Biełarusi, aktyŭna vykarystoŭvajučy takija słovy, jak «fejk» i «postpraŭda», a rašeńnie ES ab ​​uvodzie sankcyj asprečyli ŭ sudzie.

«Masava vyznačać udzielnikaŭ pratestaŭ dazvalaje mabilnaja suviaź, sacsietki, fota ŭ ŚMI. Kipod pabudavany na absalutna inšaj łohicy i pryznačany dla pošuku zaviedama identyfikavanych ludziej — ludziej u vyšuku, źnikłych bieź viestak i h.d. Fejk zasnavany na technałahičnych fobijach hramadzian i bytavoj łohicy», — tak, naprykład, tam kamientujuć abvinavačańni ŭ tym, što ałharytm raspaznańnia tvaraŭ ad «Sinezis» vykarystoŭvaŭsia dla pošuku biełaruskich apazicyjanieraŭ.

Aŭkcyjon ałharytmaŭ

Usie čatyry ałharytmy zadziejničanyja meryjaj adnačasova, raspaviali «Bi-bi-si» ŭ departamiencie infarmacyjnych technałohij Maskvy.

«Jakoha-niebudź raźmierkavańnia videapatokaŭ pamiž ałharytmami niama. Videapatoki z kamier adnačasova apracoŭvajucca ŭsimi čatyrma ałharytmami. Dalej pa śpiecyjalnaj formule vyličvajecca vynik pracy ŭsich ałharytmaŭ u sukupnaści», — zajavili ŭ viedamstvie.

Taki padychod dazvalaje «abjadnać mocnyja baki kožnaha raspracoŭščyka» i pavysić «dakładnaść raspaznańnia», hanaracca ŭ meryi.

Kamientary1

  • hułahu niet
    25.08.2022
    Anałohičnyj elektronnyj hułah łukašienkovskij riežim chočiet postroiť i v Biełarusi - siejčas kak raz v prinuditielnom poriadkie v obŝuju sistiemu zahoniajut vsie kamiery častnych priedprijatij, plus parallelno idiot podhotovka vklučiť kamiery s tovariŝiestv sobstvieńnikov, plus žkch budiet staviť svoi, no samoje intieriesnoje - čto sčiot za ich obsłuživanije vystaviat biełarusam (vklučiv v žirovku). Tak čto riežim budiet za vami ślediť za vaši žie dieńhi

Ciapier čytajuć

Ukraincy padarvali aporu Krymskaha mosta. Ale toj ustajaŭ10

Ukraincy padarvali aporu Krymskaha mosta. Ale toj ustajaŭ

Usie naviny →
Usie naviny

«Zakopvać tak ludziej — heta nie pa-ludsku». Čałaviek aburyŭsia, što na bresckich mohiłkach mahiły zakopvajuć ekskavataram12

Starmier paviedamiŭ pra pierachod Vialikabrytanii ŭ stan «bajavoj hatoŭnaści»4

Na pieramovach u Stambule Rasija zachavała raniejšyja patrabavańni2

Pierastała vychodzić na suviaź połackaja žurnalistka i katalickaja aktyvistka Cina Pałynskaja

U Rasii Vikipiedyju abvinavacili ŭ «prapahandzie piedafilii»2

U Asipovickim rajonie pryznali «darmajedami» ludziej ź psichičnymi zachvorvańniami1

Fejsbuk-staronku Lavona Volskaha pryznali «ekstremisckaj»2

$5000 za mietr. U Minsku źjaviŭsia premijalny dom, jaki pa canie pieraplunie navat Depo5

Što IT-biznes dumaje pra Hannu Rabavu, novuju kiraŭnicu Parka vysokich technałohij?9

bolš čytanych navin
bolš łajkanych navin

Ukraincy padarvali aporu Krymskaha mosta. Ale toj ustajaŭ10

Ukraincy padarvali aporu Krymskaha mosta. Ale toj ustajaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić