MI-6: Rasijskaja armija vydychajecca, Ukraina moža pierajści ŭ nastup
Kiraŭnik brytanskaj źniešniaj raźviedki MI-6 Ryčard Mur zajaviŭ, što na praciahu nastupnych niekalkich tydniaŭ rasijskim vojskam budzie ŭsio składaniej adpraŭlać na front novych vajskoŭcaŭ i ŭzbrajeńnie. Pa jaho dumku, dla Ukrainy heta aznačaje źjaŭleńnie voknaŭ dla kontrnastupleńnia, piša «Bi-bi-si».
«Dumaju, što jany chutka vydychnucca, — skazaŭ Mur na Forumie pa biaśpiecy ŭ amierykanskim Aśpienie (štat Kałarada). — Im pryjdziecca zrabić niejkuju paŭzu, i heta daść ukraincam mahčymaść nanieści zvarotny ŭdar».
Kiraŭnik MI-6 nazvaŭ epičnym pravałam niaŭdaču Rasii ŭ dasiahnieńni svaich pieršapačatkovych metaŭ — prybrać prezidenta Ukrainy, zachapić Kijeŭ i pasiejać razład na Zachadzie.
Jon nazvaŭ rasijskaje ŭvarvańnie samym aburalnym nieprykrytym aktam ahresii ŭ Jeŭropie z časoŭ Druhoj suśvietnaj vajny.
Paśla zachopu Lisičanska na pačatku lipienia armija RF zajaviła ab apieratyŭnaj paŭzie, adnak niekalki dzion tamu ministr abarony Rasii Siarhiej Šajhu zahadaŭ vojskam aktyvizavać dziejańni. Za apošnija amal try tydni rasijskija vajskoŭcy nie dasiahnuli značnych pośpiechaŭ, u tym liku ŭ Danieckaj i Łuhanskaj abłaściach, dzie skancentravanyja ich asnoŭnyja siły.
Ukraina i jaje sajuźniki źviazvajuć asłableńnie armii RF z prymianieńniem dalnabojnaj artyleryi, pastaŭlenaj krainami Zachadu, u pieršuju čarhu ZŠA. U pryvatnaści, reaktyŭnaja sistema załpavaha ahniu HIMARS dazvalaje ŭzbrojenym siłam Ukrainy nanosić udary pa rasijskich składach bojeprypasaŭ i bazach i takim čynam padryvać pieravahu Maskvy ŭ ahniavoj mocy.
Padčas forumu ŭ Aśpienie Mur taksama paćvierdziŭ ličby strat rasijskaj armii ŭ 15 tys. čałaviek zabitymi, jakija tam ža ahučyŭ kiraŭnik CRU Uiljam Bierns.
Adnak Mur nazvaŭ takija danyja «vierahodna, kansiervatyŭnymi acenkami».
«Heta prykładna taja ž kolkaść ludziej, jakuju jany stracili za 10 hadoŭ [vajny] ŭ Afhanistanie ŭ 1980-ja», — skazaŭ pry hetym Mur. «I heta zusim nie chłopcy ź siaredniaha kłasa ŭ Sankt— Pieciarburhu ci Maskvie, — zajaviŭ kiraŭnik brytanskaj źniešniaj vyviedki. — Heta biednyja chłopcy z pracoŭnych haradoŭ u Sibiry. Siarod ich niepraparcyjna šmat pradstaŭnikoŭ nacyjanalnych mienšaściaŭ. Heta harmatnaje miasa».
Pavodle acenak Biernsa, rasijskaja armija straciła na vajnie va Ukrainie jašče kala 45 tys. čałaviek paranienymi.
Ukraina aceńvaje kolkaść zahinułych vajskoŭcaŭ armii RF u bolš čym u 38,5 tys.čałaviek. Rasija apošni raz nazyvała kolkaść svaich strat 25 sakavika: tady było zajaŭlena, što na vajnie zahinuła kala 1,3 tysiačy čałaviek, adnak ekśpierty ličać hetuju ličbu vidavočna zanižanaj.
«Bi-bi-si» da pačatku lipienia na padstavie adkrytych krynic udałosia ŭstanavić imiony bolš jak 4,5 tys. rasijskich vajskoŭcaŭ, jakija zahinuli na vajnie va Ukrainie.
-
Rasija ciapier nie trymaje na terytoryi Biełarusi vialikich vajskovych sił — Dziaržpahransłužba Ukrainy
-
«Reaktyŭny šachied urezaŭsia ŭ moj dom». Rasijanie sprabavali kropkavym udaram zabić daradcu ministra abarony Ukrainy, śpiecyjalista pa radyjotechnałohijach
-
USU apublikavali videa źniščeńnia desantnych karabloŭ u buchcie Sievastopala
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary