Skandał z pažarnymi mašynami ź Biełarusi razrastajecca: parłamient Zimbabve choča pryznać ździełku niesapraŭdnaj
Zimbabvijskija parłamientaryi ad apazicyi i kirujučaj partyi asudzili ździełku ŭrada pa zakupcy pažarnych mašyn ź Biełarusi. Heta redki vypadak kansensusu ŭ parłamiencie, piša Reform.by sa spasyłkaj na miascovaje vydańnie New Zimbabwe.
Skandał z nahody zakupki 70 adzinak pažarnaj techniki ź Biełarusi na sumu 32 młn dalaraŭ dla miascovych savietaŭ Zimbabve doŭžycca ŭžo niekalki miesiacaŭ. U parłamiencie Zimbabve zapatrabavali tekst kantrakta, i ciapier namieśnik ministra miascovaha samakiravańnia Maryjam Čomba pradstaviła jaho.
Namieśnik ministra rastłumačyła, što ździełka nie była praviedzienaja praz zvyčajnyja tendarnyja pracesy, bo heta mižuradavaje pahadnieńnie. Na heta deputaty zajavili ab niesapraŭdnaści ździełki, bo takija vydatki pavinny być uchvalenyja parłamientam.
Deputaty taksama vykazali sumnieŭ, što zakupka pažarnych mašyn była pryjarytetnaj dla miascovych savietaŭ. Źbiantežyŭ deputataŭ i ŭniviersalny padychod pry zakupcy techniki: niezrazumieła, navošta miascovym savietam u sielskaj miascovaści pažarnaja mašyna z 80-mietrovaj strałoj. Deputaty zapatrabavali padać piśmovyja zapyty da miascovych uładaŭ ab nieabchodnaści kupli takoj techniki.
Parłamient Zimbabve zapatrabavaŭ spravazdačy ad ministra pa spravach miascovaha samakiravańnia Džuli Majo, jaki maje dačynieńnie da zaklučeńnia ździełki.
Nahadajem, Ministerstva pa spravach miascovaha samakiravańnia zajaviła ab zakupcy 70 adzinak pažarnaj techniki ź Biełarusi na sumu 32 młn dalaraŭ. Mašyny płanavałasia kupić u kampanii, jakoj vałodaje Alaksandr Zinhman, hanarovy konsuł Zimbabve ŭ Biełarusi. Ministerstva chacieła, kab prafinansavali kuplu miascovyja saviety. Košt adnoj mašyny byŭ acenieny ŭ 464 tysiačy dalaraŭ (u Biełarusi anałahičnyja aŭtamabili, miarkujučy pa sajcie dziaržzakupak, aceńvajucca ŭ sumu kala 100 tysiač dalaraŭ). Krytyki nazyvajuć hetuju canu zavyšanaj i abvinavačvajuć ministra pa spravach miascovaha samakiravańnia ŭ sprobie abyści sistemu publičnych tarhoŭ. Ministerstva ličyć canu adekvatnaj i spasyłajecca na pahadnieńnie pamiž uradami Zimbabve i Biełarusi.
Kamientary
RB i Zimbabvie
V etoj novosti priekrasno vsio