Ščaślivych maładych (Arłanda Błuma j Kiru Najtli) aryštoŭvajuć na viasielli za dapamohu piratu (Džoni Dep ułasnaj personaj). U dziaŭčyny jość tolki adzin šaniec – adšukać staroha prajdziśvieta Džeka Vierabja – i zdabyć u jaho kompas, jaki pakazvaje na pažadanyja sercu skarby. Ale ŭ niaŭrymślivaha Vierabja – svaje prablemy. Jamu pazarez treba kufar mierćviaka...
«Piraty Karybskaha mora: kufar mierćviaka» («Pirates of the Caribbean: Dead Man's Chest»).
ZŠA, 2006, kalarovy, 150 chv.
Žanr: pryhody.
Adznaka: 5,5 (z 10).
Druhaja seryja fantazijnych pirataŭ uračystaja j epičnaja, jak karaleva ŭ pošukach treciaha muža.
Ščaślivych maładych (Arłanda Błuma j Kiru Najtli) aryštoŭvajuć na viasielli za dapamohu piratu (Džoni Dep ułasnaj personaj). U dziaŭčyny jość tolki adzin šaniec – adšukać staroha prajdziśvieta Džeka Vierabja – i zdabyć u jaho kompas, jaki pakazvaje na pažadanyja sercu skarby. Ale ŭ niaŭrymślivaha Vierabja – svaje prablemy. Jamu pazarez treba kufar mierćviaka...
Fiška sezonu – łaŭkraŭtaŭskija pačvary na karabli-pryvidzie: matros-ryba-mołat, ablepleny rakavinkami baćka Arłanda Błuma – i, biezumoŭna, kapitan Latučaha Halandca – miortvy vaśminoh Dejvi Džonz. U Džonza ščupalcy zamiest barady i ciaha da arhannaje muzyki. Ale samaja vialikaja jahonaja tajna – amal što tutejšaja.
Svaju śmierć marski svajak Zdychlika Nieśmiarotnaha chavaje ŭ kufry. U hetym kufry niama ani zajca, ani kački, ani jajka ź ihołkaju – jość tolki serca, spakutavanaje ad kachańnia. Ale važny sam pryncyp.
Atrakcyjony paŭtarajucca: znoŭ i znoŭ ščupalcy, ščupalcy, ščupalcy, znoŭ i znoŭ kocicca koła, na jakim bjucca muškieterami hieroi karciny, znoŭ i znoŭ nadryŭny Džoni Dep natykajecca na kanibałaŭ. A lepiej za Arłanda Błuma ihrajuć navat curbany.
Chacia pryčepistaje voka zdolnaje znajści ŭ karcinie nudu – apošnija sceny stanuć udaram pad dych. Amal trochhadzinny film jość tolki praloham da treciaje častki…
Kvitki na film varta kuplać zahadzia: zali pierapoŭnienyja.
Kamientary