Na aŭkcyjonie Christie's pradadzienyja 4 brahinskija mietearyty
U mai stała viadoma, što Sotheby's vystaŭlaŭ na tarhi brahinski mietearyt vahoj 2,644 kh. Ale, akazvajecca, inšy aŭkcyjon, Christie's, nie tak daŭno taksama pradaŭ cełyja 4 takija kaśmičnyja cieły, znojdzienyja ŭ Biełarusi. Jany znachodziacca ŭ pieraliku realizavanych łotaŭ na sajcie aŭkcyjona, piša sajt belmir.by.
Dva mietearyty apracavanyja ŭ vyhladzie pryhožych kuboŭ, a dva pakinutyja ŭ nieapracavanaj formie. Pry hetym adzin z kuboŭ pradadzieny za cełych 87 500 dalaraŭ pry papiaredniaj acency ŭ 6 000 — 8 500 dalaraŭ.
Adzin ź nieapracavanych nabyty za 10 710 brytanskich funtaŭ sterlinhaŭ pry acency ŭ 25 000 — 35 000 funtaŭ.
U hetym svojeasablivym rejtynhu dalej idzie inšy kub, addadzieny za 9 375 funtaŭ sterlinhaŭ pry acency ŭ 5 000 — 8 000 funtaŭ, i, narešcie, inšy nieapracavany, nabyty za 2 000 funtaŭ sterlinhaŭ pry acency ŭ 2 000 — 3 000 funtaŭ.
Infarmacyja, kali i jak mietearyty byli realizavany, niedastupnaja. Adnak pry supastaŭleńni dadzienych možna vykazać zdahadku, što nazvanyja brahinskija mietearyty vystaŭlalisia na tarhi ŭ ramkach anłajn-aŭkcyjona «mietearyty z kalekcyi Majkła Farmiera», jaki prachodziŭ z 23 sakavika pa 6 krasavika 2022 hoda.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary