«Niama paćviardžeńnia». Baskaŭ upieršyniu prakamientavaŭ svaju datyčnaść da śmierci Ramana Bandarenki
Były kiraŭnik FCHB, a ciapier člen Savieta Respubliki Dźmitryj Baskaŭ staŭ hierojem šou «Skažiniemołči» na adnym z dziaržkanałaŭ, dzie vykazaŭsia pra ŭłasnuju dyskvalifikacyju i zabojstva Ramana Bandarenki, choć viadučyja prahramy prama pra heta tak i nie spytali, piša «Trybuna».
U intervju z Baskavym havorka zajšła pra jaho adchileńnie i piacihadovy ban na chakiejnuju dziejnaść, vypisany Mižnarodnaj fiederacyjaj chakieja za cisk na spartsmienaŭ pa palityčnych matyvach, a taksama mahčymaje dačynieńnie da zabojstva Ramana Bandarenki vosieńniu 2020 hoda.
Baskaŭ nazvaŭ heta «niejkaj spravaj na padstavie niejkich niezrazumiełych i niełahičnych listoŭ ad znoŭ ža niezrazumiełych niejkich tam fondaŭ».
— Rašeńnie syści było spantannym, ale vymušanym u toj momant. Dyscyplinarny Kamitet IIHF ciaham paŭhoda sprabavaŭ rasśledavać niejkuju spravu ŭ dačynieńni da mianie na padstavie niejkich niezrazumiełych i niełahičnych listoŭ ad znoŭ ža niezrazumiełych dla mianie niejkich tam fondaŭ spartyŭnych abo salidarnych [Biełaruski fond spartyŭnaj salidarnaści], ja navat nie chaču ich naohuł nazyvać.
Heta było niečakanym dla mianie, tamu što ja ŭsio ž taki dumaŭ, što zdarovy sens pieramoža, i tyja abvinavačvańni, jakija byli na moj adras ad hetych fondaŭ ci niekaha tam jašče, jany zusim nieabhruntavanyja.
Ja narmalny hramadzianin svajoj krainy, ja jeździŭ na aŭtaprabiehi, zakon nie parušaŭ, i niama nivodnaha ni jurydyčnaha, ni niejkaha inšaha paćvierdžańnia taho, što ja rabiŭ niešta supraćzakonnaje abo niapravilnaje, ‒ skazaŭ Baskaŭ.
Cikava vykazaŭsia Baskaŭ i pra pryjezd kiraŭnika Mižnarodnaj fiederacyi chakieja Rene Fazela ŭ Minsk u 2020 hodzie.
— Jon śpiecyjalna niekalki dzion pravioŭ u Minsku, pryjšoŭ tady da mianie i skazaŭ: «Pasłuchaj, ja ŭsio ŭbačyŭ, usio ŭ paradku, kraina kvitnieje, raźvivajecca, dzieci hulajuć, moładź uśmichajecca. Ale śviet źjechaŭ z hłuzdu», — pieradaje słovy Fazela Baskaŭ.
Źjaviłasia dadatkovaje rasśledavańnie pa śmierci Bandarenki. Jakija novyja rečy adtul viadomyja?
Ciapier čytajuć
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj2
Kamientary