Syn brytanskaha parłamientaryja zmahajecca za Ukrainu na pieradavoj VIDEA
Były karaleŭski marski piechaciniec Ben Hrant, syn siabroŭki brytanskaha parłamienta ad kansiervataraŭ Chielen Hrant, byŭ apaznany brytanskimi ŚMI ŭ hrupie zamiežnych dobraachvotnikaŭ, jakija ŭdzielničali ŭ bai z rasijskimi vajskoŭcami.
Uzvod Hranta z 15 zamiežnych bajcoŭ udzielničaŭ va ŭkrainskim kontrnastupie ŭ Charkaŭskaj vobłaści.
Syn siabroŭki parłamienta na videa dapamahaje ratavać jašče adnaho brytanskaha dobraachvotnika Dzina Artura, jaki padarvaŭsia na minie padčas pierastrełki. Čutno, jak Hrant kryčyć: «My musim ruchacca napierad, inakš my pamrem!»
U inšym frahmiencie videa brytaniec z kamandaj biaruć udzieł u zasadzie na rasijskuju broniemašynu. Pa niepravieranaj infarmacyi, tady ad padryvu zahinuli kala vaśmi vajskoŭcaŭ US RF, a jašče 30 zahinuli ŭ pierastrełcy, kali kamanda z 13 amierykanskich i brytanskich dobraachvotnikaŭ abjadnałasia z vajskoŭcami USU i praviała šturm pazicyj rasijskich vajskoŭcaŭ.
U svaju čarhu, taksama paviedamlajecca, što ŭzvod Hranta ŭ składzie 15 zamiežnych bajcoŭ trapiŭ u zasadu rasijskich vojskaŭ paśla taho, jak ich miescaznachodžańnie było vyznačanaje bieśpiłotnikami pierad ich ułasnaj apieracyjaj. Pa słovach Bena Hranta, kali jany nakiroŭvalisia da mety pad Charkavam, hrupa trapiła ŭ «masavuju pierastrełku».
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach6
Kamientary