Kiraŭnik Łuhanskaj vobłaści: Sievieradanieck pad pastajannymi abstrełami, ale nie akružany
Horad Sievieradanieck na Łuhanščynie, jaki paśla zachopu rasijaj Łuhanska ŭ 2014 hodzie staŭ administracyjnym centram Łuhanskaj vobłaści, znachodzicca pad pastajannymi abstrełami, ale jon nie akružany, rasijanie tolki na ŭskrainie horada. Pra heta siońnia zajaviŭ kiraŭnik Łuhanskaj vajennaj abłasnoj administracyi Siarhiej Hajdaj.
«Horad Sievieradanieck rasijskaja armija, na žal, źniščaje całkam. Jany abstrelvajuć kruhłasutačna horad… Siońnia rašysckija ŚMI raspaŭsiudžvajuć infarmacyju ab tym, što horad całkam adrezany, jon całkam u akružeńni, ale heta nie adpaviadaje rečaisnaści. Nie adrezany horad i jon nie ŭ akružeńni», — skazaŭ kiraŭnik vobłaści.
Hajdaj adznačyŭ, što bai praciahvajucca, i peŭnyja čaści rasijskaha vojska zajšli na ŭskrainu horada, u hatel «Mir».
«Jany kantralujuć hety hatel, hetuju terytoryju i pobač aŭtavakzał. Ale dalej prasunucca nie mohuć… Mahu skazać, što da hetaha času praciahvajucca žorstkija bai na ŭskrainie, tam jany jość», — skazaŭ Hajdaj.
Jon nie zhodny z acenkaj, što ruskaja armija moža całkam zachapić Łuhanskuju vobłaść za niekalki dzion.
«Nie, chutčej za ŭsio, nie voźmuć. Tamu što dastatkova siłaŭ i srodkaŭ dla taho, kab trymać abaronu», — skazaŭ kiraŭnik Łuhanskaj AVA.
Ale ŭ toj ža čas nie vyklučyŭ, što z horada daviadziecca adyści z taktyčnych mierkavańniaŭ.
Učora Hajdaj kazaŭ, što ŭžo zachoplenyja voraham 95% terytoryi Łuhanščyny.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary