Paśla taho, jak Kanada na hod admienić impartnyja pošliny na ŭkrainskija tavary, kanadskija kalijnyja ŭhnajeńni mohuć stać asnoŭnymi na rynku Ukrainy i tym samym zamianić biełaruski kalij. Pra mahčymuju rolu Kanady na ŭkrainskim rynku kalijnych uhnajeńniaŭ paviedamiŭ Ukrainski kłub ahrarnaha biznesu, piša hazieta «Biełorusy i rynok».
U spravazdačy kłuba havorycca, što Kanada — najbujniejšy ŭ śviecie vytvorca i eksparcior kalijnych uhnajeńniaŭ. Hetaja kraina vyrablaje kala 12 miljonaŭ ton kaliju, što składaje bolš za 20% suśvietnaj vytvorčaści.
Pry hetym u 2021 hodzie Ukraina impartavała 287,5 tys. ton kalijnych uhnajeńniaŭ, ź jakich 69% pastupiła z Respubliki Biełaruś.
«Pa zrazumiełych pryčynach, zakupki z hetaj krainy ŭ dalejšym rabicca nie buduć. Tamu ahraryjam Ukrainy nieabchodna šukać alternatyŭnych pastaŭščykoŭ, i Kanada moža stać adnym ź ich. Admiena impartnych pošlin moža stać dadatkovym faktaram, bo pavysić kankurentazdolnaść ukrainskaj ahrarnaj pradukcyi na kanadskim rynku.
Takim čynam, Ukraina zmoža zakuplać kalijnyja ŭhnajeńni ŭ Kanadzie, u svaju čarhu, adpraŭlajučy tym ža transpartam svaju ahrarnuju pradukcyju, jakoj ciapier jość liški na ŭkrainskim rynku», — havorycca ŭ paviedamleńni asacyjacyi.
Pa dadzienych Ukrainskaha kłuba ahrarnaha biznesu, u 2021 hodzie Kanada impartavała 2,8 młn ton kukuruzy, 1,2 młn ton słaniečnikavaha šrotu i 0,5 młn ton sojevych baboŭ. Mienavita hetyja pazicyi Ukraina moža pastaŭlać na rynak Kanady praz marskija party krain Bałtyi.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami1
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary