Sud nad Babakom: sumlennamu prakuroru, jaki zavodziŭ pravierku dziejańniaŭ siłavikoŭ, dali 4 hady kałonii
U Minskim haradskim sudzie skončyŭsia zakryty praces nad byłym pamočnikam prakurora Pieršamajskaha rajona stalicy Jaŭhienam Babakom. Jon abvinavačvaŭsia pa č. 1 art. 342 (hrupavyja dziejańni, jakija parušajuć hramadski paradak) i č. 1 art. 130 (raspalvańnie varožaści). Sudździa — Valancina Ziańkievič. Abvinavaŭca na sudzie — sumna viadomaja Alina Kaśjančyk. Babak atrymaŭ 4 hady kałonii.
Babak staŭ viadomy tym, što ŭ žniŭni 2020-ha inicyjavaŭ pravierku dziejańniaŭ ludziej u formie DAI, jakija źbili bajkieraŭ va Uruččy nočču 11 žniŭnia. Praviercy, adnak, nie dali chodu, a samoha Babaka prymusili zvolnicca.
10 červienia 2021 hoda kvateru Babaka razhramili, a jaho aryštavali. Spačatku na sutki, a potym i pa kryminalnym artykule.
Na pačatku suda Babak iranizavaŭ, što niezadoŭha da zatrymańnia płanavaŭ pierajechać u Kijeŭ. Tamu ciapier ličyć, što pakul možna i pasiadzieć, bo inačaj daviałosia b vajavać.
Kamientary