Kampanija «Rusał» pieršaj z bujnych rasijskich kampanij zaklikała rasśledavać zabojstvy ŭ Bučy
Rasijskaja aluminijevaja kampanija «Rusał» zaklikała rasśledavać zabojstva mirnych žycharoŭ u horadzie Buča pad Kijevam. Adpaviednaja zajava była apublikavanaja na sajcie «Rusała» 6 krasavika, na jaje źviarnuła ŭvahu vydańnie Financial Times.
«Paviedamleńni z ukrainskaha horada Buča ŭzrušyli nas. My ličym, što hetaje złačynstva pavinna być staranna rasśledavanaje. My vystupajem za abjektyŭnaje i biesstarońniaje rasśledavańnie i zaklikajem da surovaha pakarańnia vinavatych. Jakim by ciažkim heta ni zdavałasia va ŭmovach infarmacyjnaj vajny, jakaja praciahvajecca», — skazana ŭ zajavie ad imia kiraŭnika savieta dyrektaraŭ «Rusała» Biernarda Zonevielda.
Kampanija taksama zaklikała da najchutčejšaha zaviaršeńnia vajny va Ukrainie, «kab zachavać nieacennyja čałaviečyja žyćci i viarnucca da narmalnaha žyćcia».
Jak adznačaje Financial Times, «Rusał» staŭ pieršaj rasijskaj kampanijaj, jakaja zaklikała da rasśledavańnia zabojstvaŭ u Bučy. Ale ŭ zajavie kampanii niama zhadak pra mierkavanych vinavatych u hetych zabojstvach.
Sama zajava apublikavanaja tolki na anhłamoŭnaj viersii sajta «Rusała», na ruskamoŭnaj viersii jaje niama.
«Rusał» — adzin z najbujniejšych u śviecie vytvorcaŭ aluminiju. Kampanija zarehistravanaja ŭ Rasii, jaje kantraluje chołdynh En+, najbujniejšym akcyjanieram jakoha źjaŭlajecca rasijski miljarder Aleh Dzierypaska. Jon raniej nazyvaŭ uvarvańnie Rasii va Ukrainu «varjactvam».
«Rusał» pakul nie trapiŭ pad sankcyi paśla pačatku vajny va Ukrainie, adnak kampanija ŭsio adno paciarpieła ad nastupstvaŭ ekanamičnaj izalacyi Rasii. U pryvatnaści, «Rusał» pazbaviŭsia mahčymaści kuplać syravinu ŭ Aŭstralii, jakaja abmiežavała ekspart u Rasiju.
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1010
Kamientary