25 sakavika padčas pasiadžeńnia mastak parezaŭ sabie žyvot u znak pratestu. Za heta jaho kinuli na 13 dzion u karcar.
Siońnia byŭ vyniesieny prysud pa kryminalnaj spravie palitviaźnia, viadomaha biełaruskaha mastaka i pierfomiera Alesia Puškina. Jaho abvinavacili ŭ ździeku ź dziaržaŭnych simvałaŭ (art. 370 KK) i ŭ raspalvańni rasavaj, nacyjanalnaj, relihijnaj albo inšaj sacyjalnaj varožaści ci varažniečy (č. 3 art. 130 KK). Sudździa Alena Šylko prysudziła mastaku 5 hadoŭ kałonii strohaha režymu.
Siońnia padčas pracesu była zatrymanaja siastra Alesia Puškina Śviatłana — za toje, što chacieła sfatahrafavać brata. Jaje dastavili ŭ Frunzienski RAUS
Alesia Puškina zatrymali hod tamu — 30 sakavika 2021 hoda, u vioscy Žyličy Kiraŭskaha rajona ŭ carkvie, na restaŭracyi jakoj pracavaŭ mastak.
Pierad hetym: 26 sakavika 2021 hoda, prakuratura Hrodna zaviała suprać Puškina kryminalnuju spravu «za ździajśnieńnie naŭmysnych dziejańniaŭ, skiravanych na reabilitacyju i apraŭdańnie nacyzmu» (č. 3, art. 130) — na vystavie ŭ Hrodnie demanstravaŭsia partret udzielnika antysavieckaha pavajennaha padpolla Jaŭhiena Žychara. Mastak u toj čas byŭ u Kijevie, ale viarnuŭsia na radzimu.
U kancy śniežnia 2021 hoda da hetaha jašče dadaŭsia «ździek ź dziaržaŭnych simvałaŭ». Mastaku pahražaje da 12 hadoŭ źniavoleńnia.
Siońnia stała viadoma, što mastaka asudzili na piać hadoŭ kałonii.
Čytajcie taksama:
Užo dvojčy sudzili pa kryminałkach — za pierakreśleny ściah BSSR i hnoj dla Łukašenki. Chto taki Aleś Puškin?
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam3
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ55
Kamientary