Jak vyhladaje ciapier viadomy pomnik Tarasu Šaŭčenku ŭ Charkavie
Pa ŭsioj Ukrainie miascovyja žychary abkładvajuć pomniki miachami ź piaskom. Toje adbyłosia i z pomnikam Tarasu Šaŭčenku.
Šmatpłanavy manumient Šaŭčenku byŭ adkryty ŭ 1935 hodzie. Jon abjadnoŭvaje 16 statuj — vysokamastackich uzoraŭ savieckaj prapahandy, jakija pa zadumie simvalizujuć ludziej pracy i ich baraćbu za svaje pravy.
Niahledziačy na pamier i ideałahičnuju nakiravanaść, manumient nie paciarpieŭ padčas Druhoj suśvietnaj vajny, paviedamlaje «Vikipiedyja». Mienavita kala pomnika Šaŭčenku ŭ Charkavie 30 žniŭnia 1943 hoda adbyŭsia pieršy aficyjny mitynh vyzvalenaha ad niamieckich akupantaŭ horada pry ŭdziele Konieva i Chruščova.
Cikavostka: siarod statuj manumientalnaha ansambla jość schavanaje i arhanična ŭpisanaje ŭ kampazicyju koła ad traktara časoŭ pieršych kałhasaŭ. Ź im źviazana vieravańnie miascovaha nasielnictva ‒ chto sam zmoža jaho adšukać, chutka znojdzie svajo kachańnie abo zastaniecca ŭ Charkavie nazaŭždy.
Kamientary