ZŠA i Vialikabrytanija pra mahčymyja damoŭlenaści z Rasijaj: Važnyja nie słovy, a spravy
Uśled za zajavami kiraŭnika rasijskaj delehacyi na pieramovach z Ukrainaj Uładzimira Miadzinskaha ab tym, što, maŭlaŭ, «Rasija zrabiła dva vielizarnyja kroki da miru», dziaržsakratar ZŠA Entani Blinkien skazaŭ, što «pakul nie bačyŭ ničoha, što pakazvaje na efiektyŭny ruch napierad, tamu što my nie bačyli prykmietaŭ realnaj surjoznaści», paviedamlaje Bi-bi-si.
Pra heta dziaržsakratar ZŠA zajaviŭ na pres-kanfierencyi ŭ Maroka, dzie jon znachodzicca ź vizitam. «Jość toje, što Rasija kaža, a jość toje, što Rasija robić, — padkreśliŭ Blinkien. — My skancentravanyja na apošnim».
Pradstaŭnik brytanskaha premjer-ministra vykazaŭsia anałahična: «My budziem sudzić Pucina i jahony režym nie pa słovach, a pa spravach».
«Mieła miesca niekatoraje skaračeńnie rasijskich abstrełaŭ vakoł Kijeva, šmat u čym dziakujučy tamu, što ŭkrainskija siły paśpiachova adbivajuć rasijskija nastupy na paŭnočny zachad ad horada. Ale bai praciahvajucca. U Maryupali i inšych miescach mocnyja abstreły praciahvajucca.
My nie žadajem ubačyć ničoha mienšaha, čym poŭny vyvad rasijskich siłaŭ z ukrainskaj terytoryi», — dadaŭ pres-sakratar.
Čamu YouTube vydaliŭ kanały BiełTA, STB i ANT? Voś što viadoma11
Kamientary