Na jakich prymityvaŭ raźličanaja rasijskaja i łukašenkaŭskaja prapahanda? Mozhadrabilnyja prykłady
Zambavańnie čytačoŭ i hledačoŭ dziaržaŭnych ŚMI praciahvajecca ŭdarnymi tempami. Prapahanda robić nievierahodnaje. Navat antyvajennyja łozunhi kštałtu «Nie ‒ vajnie» jana robić «nacysckimi». Voś jašče niekalki prykładaŭ siońniašniaj oruełščyny.
1. Śpiecyjalnaja apieracyja — heta nie vajna, a voś ekanamičnyja sankcyi — heta vajna.
2. Vajna pačałasia dla taho, kab nie pačałasia vajna.
3. Rasija nie napadała na Ukrainu, ale Ukraina pavinna pierastać abaraniacca, kab pierastała licca kroŭ.
4. Vajny niama, ale antyvajennyja mitynhi zabaronienyja.
Hanna Mareli, bielhijski historyk, sistematyzavała i vykłała ŭ sučasnym vyhladzie pryncypy vajennaj prapahandy. U svajoj dysiertacyi jana daśledavała dośvied vojnaŭ i kałanijalnych kanfliktaŭ XX i ciapierašniaha stahodździaŭ. Znakamity śpis Mareli, ź jakim možna źviaracca, pryvodzić «Novaja hazieta».
1. My nie žadajem vajny.
Heta aznačaje, što vorahi nas nienavidziać i žadajuć napaści pieršymi.
2. Za ŭsio niasie adkaznaść inšy bok.
Navat kali pieršymi napali my, da hetaha pryviali niejkija kroki supiernika.
3. Lidar krainy-supiernika — sapraŭdny djabał.
4. My zmahajemsia za vysakarodnyja mety, a nie pieraśledujem svaje intaresy.
5. Vorah metanakiravana ździajśniaje złačynstvy, my — tolki vypadkova.
6. Vorah vykarystoŭvaje zabaronienuju zbroju.
7. Našy straty małavažnyja, straty supiernika vielizarnyja.
8. Pradstaŭniki kultury, mastactva i intelektuały padtrymlivajuć našu spravu.
9. Naša misija śviataja.
10. Zdradnikam zjaŭlajecca luby, chto pastavić pad pytańnie paviedamleńni našych ŚMI.
Žurnalisty spytali Vadzima Hihina, čamu Rasija bambić ruskamoŭny Charkaŭ
«Rasizm, idyjatyzm i hiebielščyna». Vučony raźbiraje chłuśniu rasijskaj prapahandy pra bijałahičnuju zbroju
Imklivaja «biełarusizacyja»: jak za try tydni rasijskija realii stali padobnymi da našych
Kamientary