Demakratyčnyja siły raskazali, što za dekłaracyju źbirajucca nakiravać ukrainskim uładam
Demakratyčnyja siły źbirajucca nakiravać ukrainskim uładam dekłaracyju ab pryncypach uzajemadziejańnia pamiž biełaruskim i ukrainskim narodami.
Z takoj prapanovaj vystupiŭ kiraŭnik NAU Pavieł Łatuška.
U dakumiencie ad imia biełaruskaha naroda i pierachodnaha kabinieta źbirajucca zajavić, što ličać ahresiju suprać Ukrainy mižnarodnym złačynstvam z boku režymaŭ Biełarusi i Rasii, vykazać salidarnaść z baraćboj Ukrainy i hatoŭnaść vykarystoŭvać usie miechanizmy dla adnaŭleńnia miru.
Taksama prapišuć, što Biełaruś i Ukraina źjaŭlajucca družalubnymi i braterskimi krainami, jakija nie majuć histaryčnych prykładaŭ vajennych kanfliktaŭ pamiž saboj.
U dekłaracyi adznačać, što Łukašenka zrabiŭ krainu saŭdzielnicaj ahresii, tym samym byli hruba parušanyja normy nacyjanalnaha zakanadaŭstva i mižnarodna-pravavyja abaviazacielstvy (u pryvatnaści pałažeńni damovy ab siabroŭstvie pamiž Biełaruśsiu i Ukrainaj ad 1995 hoda).
Śviatłana Cichanoŭskaja padtrymała prapanovu.
«U mianie pramoha kantaktu z Uładzimiram Zialenskim ciapier niama. My kamunikujem z nabližanymi da jaho ludźmi. I dumaju, dekłaracyju, jakuju my adpravim, ukraincy pačujuć», — skazała jana.
Aryštavany dyrektar Pałaca Respubliki, adzin z arhanizataraŭ Marafona adzinstva8
Kamientary