Premjer Litvy: My nie možam pierakryć tranzit u Kalininhradskuju vobłaść samastojna, patrebnaje rašeńnie Jeŭrasajuza
Litva nie moža ŭ adnabakovym paradku spynić tranzit praz svaju terytoryju ŭ Kalininhradskuju vobłaść Rasii. Jon rehulujecca pahadnieńniem pamiž Rasijaj i Jeŭrasajuzam. Pra heta zajaviła premjer-ministr Litvy Inhryda Šymanicie, piša Delfi.
«Kalininhradski tranzit — heta tranzit, jaki źjaŭlajecca składnikam častki prava ES. Heta asobnaje pahadnieńnie pamiž ES i Rasijaj. Ja b chacieła, kab my ŭ takoje nie ŭmiešvalisia, pakolki heta nie rašeńnie Litvy. My možam zakryć pavietranuju prastoru, ale rašeńnie z nahody kalininhradskaha tranzitu — rašeńnie ES», — skazała Šymanicie.
Pa słovach litoŭskaj premjerki, pakul havorki pra heta nie idzie. Tranzit nie praduhledžvaje pieravozku vajennych hruzaŭ. Pahadnieńnie tyčycca tolki pasažyrskich pieravozak.
Litva ŭčora zakryła pavietranuju prastoru dla Rasii. Akramia jaje, heta ŭžo zrabili ci abviaścili ab zakryćci Finlandyja, Estonija, Łatvija, Polšča, Čechija, Vialikabrytanija, Słavienija, Rumynija i Bałharyja.
Kamientary