Pra mahčymaje adklučeńnie paviedamlaje karespandent «Radyjo Svaboda» ŭ Brusieli Rykard Joźviak.
Raniej lidary zachodnich krain praanansavali adklučeńnie ad SWIFT Rasii ŭ najbližejšy čas.
Što takoje SWIFT?
SWIFT (Society for Worldwide Interbank Financial Telecommunication) — skaračeńnie ad «Tavarystva suśvietnych mižbankaŭskich finansavych telekamunikacyj». Heta abaronienaja sistema abmienu paviedamleńniami dla transhraničnych płaciažoŭ.
SWIFT karystajecca vialikim davieram i dazvalaje bankam chutka apracoŭvać vialikija abjomy tranzakcyj.
Bielhijskaja sistema była stvorana ŭ 1973 hodzie razam z kaapieratyvam, u jaki ŭvachodziać tysiačy finansavych ŭstanoŭ, jakija jaje vykarystoŭvajuć.
Mienavita jana stała asnovaj mižnarodnaj finansavaj kamunikacyi. U 2020 hodzie praz płatformu SWIFT štodnia adpraŭlałasia kala 38 miljonaŭ paviedamleńniaŭ. Kožny hod z dapamohaj hetaj sistemy pieraličvajucca tryljony jeŭra.
SWIFT jość alternatyvy, naprykład, Rasija i Kitaj vykarystoŭvajuć svaje ŭłasnyja anałahičnyja sistemy, ale jany nie stali hłabalnymi.
Čym adklučeńnie Biełarusi ad SWIFT pahražaje biznesu
Adklučeńnie Biełarusi ad SWIFT moža spravakavać prablemy ź mižnarodnymi pieraličeńniami, raźlikami z zamiežnymi kontrahientami, što zakranie ŭ pieršuju čarhu imparcioraŭ i eksparcioraŭ, tłumačyła raniej Zerkalo.io. Razmova nie tolki pra spažyvieckija tavary, ale i pra abstalavańnie, syravinu, roznyja kamplektujučyja. Kali prybrać łancužka ekspartu abo impartu SWIFT, to parušajecca ŭvieś adładžany miechanizm.
Uźnikaje ryzyka, što biez apłaty nie buduć u terminy pastaŭlenyja tavary. Heta ŭ svaju čarhu stavić pad pytańnie svoječasovaje papaŭnieńnie zapasaŭ impartnych tavaraŭ, asabliva pavyšanaha popytu. Tak mohuć uźniknuć pytańni z asartymientam.
Pa-pieršaje, spatrebicca čas, kab znajści alternatyvu SWIFT. Pa-druhoje, znajści paŭnavartasnuju zamienu hetaj sistemie mižbankaŭskich płaciažoŭ u mnohich vypadkach prablematyčna biez straty chutkaści praviadzieńnia płaciažoŭ, padaražeńnia koštu pasłuh, padaŭžeńnia terminaŭ pastavak. A heta ŭsio dadatkovyja niazručnaści.
Adzin z klučavych momantaŭ u situacyi mahčymaha adklučeńnia ad SWIFT — pytańnie času, nakolki apieratyŭna ŭviaduć abmiežavańni, ci budzie ŭ biznesa čas na adaptacyju da novych umoŭ.
Niemałavažny momant z tym, jakim moža być adklučeńnie ad SWIFT — usioj krainy ci asobnych bankaŭ.
SWIFT: što heta takoje i što budzie, kali Rasiju adklučać
Ekanamist Leŭ Lvoŭski — pra SWIFT: Kali zamach siakiery strašniejšy, čym samo pakarańnie
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj1
Kamientary