U premii za najhoršyja filmy i roli vyłučyli asobnuju katehoryju dla Brusa Uilisa
Halivudski akcior atrymaŭ śpiecyjalnuju katehoryju antypremii «Załataja malina» za zdymki ŭ vaśmi prajektach. Arhanizatary paličyli niaŭdałymi ŭsie filmy, u jakich Uilis źniaŭsia ŭ 2021 hodzie, i prapanavali vybrać najhoršy ź ich.
U pieralik trapili ažno 8 stužak ź jahonym udziełam. Śpiecyjalnaja naminacyja atrymała nazvu «Najhoršaja hulnia Brusa Uilisa ŭ filmie 2021 hoda».
U katehoryi «Najhoršy film hoda» pradstaŭleny prajekt Netflix «Dyjana: Miuzikł», fantastyčny bajavik «Biaskoncaść», kryminalny tryler «Karen», siamiejnaja kamiedyja «Kaśmičny džem: Novaje pakaleńnie» i detektyŭ «Žančyna ŭ aknie». Za zvańnie najhoršaha akciora buduć zmahacca Lebron Džejms i Mark Uołbierh, a siarod naminantaŭ na zvańnie najhoršaj aktrysy akazalisia Emi Adams i Miehan Foks.
Kamientary