Na hary Hiedymina ŭ Vilni — novy apoŭzień. Minuły pryvioŭ da fantastyčnych adkryćciaŭ
Na paŭdniova-ŭschodnim schile hary Hiedymina ŭ paniadziełak zafiksavany novy apoŭzień, Litoŭski Nacyjanalny muziej adznačaje, što nijakaj pahrozy niama.
«Praz dva tydni, na praciahu jakich fiksavalisia vielmi niespryjalnyja ŭmovy nadvorja, na paŭdniova-ŭschodnim schile hary Hiedymina źjaviŭsia novy apoŭzień. Paharšeńnie stanu hary było zaŭvažanaje ŭžo na minułym tydni, tamu Litoŭski Nacyjanalny muziej zahadzia rychtavaŭsia da mahčymych apoŭźniaŭ», — paviedamili pradstaŭniki muzieja.
Pa ich źviestkach, apoŭzień nie niasie niebiaśpieki dla stabilnaści ŭsioj hary, raboty pa likvidacyi avaryi ŭžo pačalisia, piša Delfi.lt.
Pad pilnaj uvahaj simvał stalicy Litvy — Hara Hiedymina — akazaŭsia ŭ 2016 hodzie, kali zafiksavali pieršyja surjoznyja apoŭźni. U kancy 2017 hoda była abvieščanaja nadzvyčajnaja situacyja. Za hety čas pryviali ŭ paradak paŭnočny schił, ale stan paŭdniova-ŭschodniaha zastajecca krytyčnym z-za niebiaśpieki novych apoŭźniaŭ.
U vyniku adnaho z takich apoŭźniaŭ byli znojdzienyja pareštki Kastusia Kalinoŭskaha i inšych paŭstancaŭ 1863 hoda. Ich uračystaje pierapachavańnie ŭ listapadzie 2019 hoda sabrała ŭ Vilni niekalki tysiačaŭ biełarusaŭ.
Kamientary