На гары Гедыміна ў Вільні — новы апоўзень. Мінулы прывёў да фантастычных адкрыццяў
На паўднёва-ўсходнім схіле гары Гедыміна ў панядзелак зафіксаваны новы апоўзень, Літоўскі Нацыянальны музей адзначае, што ніякай пагрозы няма.
«Праз два тыдні, на працягу якіх фіксаваліся вельмі неспрыяльныя ўмовы надвор'я, на паўднёва-ўсходнім схіле гары Гедыміна з'явіўся новы апоўзень. Пагаршэнне стану гары было заўважанае ўжо на мінулым тыдні, таму Літоўскі Нацыянальны музей загадзя рыхтаваўся да магчымых апоўзняў», — паведамілі прадстаўнікі музея.
Па іх звестках, апоўзень не нясе небяспекі для стабільнасці ўсёй гары, работы па ліквідацыі аварыі ўжо пачаліся, піша Delfi.lt.
Пад пільнай увагай сімвал сталіцы Літвы — Гара Гедыміна — аказаўся ў 2016 годзе, калі зафіксавалі першыя сур'ёзныя апоўзні. У канцы 2017 года была абвешчаная надзвычайная сітуацыя. За гэты час прывялі ў парадак паўночны схіл, але стан паўднёва-ўсходняга застаецца крытычным з-за небяспекі новых апоўзняў.
У выніку аднаго з такіх апоўзняў былі знойдзеныя парэшткі Кастуся Каліноўскага і іншых паўстанцаў 1863 года. Іх урачыстае перапахаванне ў лістападзе 2019 года сабрала ў Вільні некалькі тысячаў беларусаў.
Тысячы беларусаў развіталіся з Каліноўскім пад нацыянальнымі сцягамі — шмат
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары