Bolš jak na 1 młrd dalaraŭ štohod. Biełaruś uvodzić zabaronu na čyhunačny tranzit ź Litvy naftapraduktaŭ i inšych hruzaŭ
Biełaruś uvodzić zabaronu na čyhunačny tranzit ź Litvy dla hrupy tavaraŭ. Ab hetym siońnia zajaviŭ žurnalistam pres-sakratar Ministerstva zamiežnych spraŭ Biełarusi Anatol Hłaz, piša BiełTA.
Anatol Hłaz nahadaŭ, što «Litva zabaraniła tranzit biełaruskich tavaraŭ praz svaje party. Biełaruski bok nieadnarazova prapanoŭvaŭ kansultacyi dla ŭrehulavańnia pytańniaŭ u pravavym poli, ale Litva nie pajšła na dyjałoh».
«Nami pryniataje rašeńnie ab zabaronie pieravozak, jakija iduć ź Litvy čyhunačnym transpartam», — skazaŭ pres-sakratar MZS.
Paśla MZS udakładniła, što rašeńnie ab zabaronie tranzitu ź Litvy pa čyhuncy šerahu tavaraŭ ustupić u siłu 7 lutaha. Zabarona zakranie naftapradukty, a taksama chimičnyja i minieralnyja ŭhnajeńni, pahružanyja na stancyjach Litoŭskaj čyhunki.
Pa biełaruskaj terytoryi takich hruzaŭ pieravozicca kala 1,5-1,6 młn ton na sumu bolš za 1 młrd dalaraŭ ZŠA štohod.
Taksama ŭ zajavie adznačajecca:
«Sa svajho boku ŭradam Biełarusi vypracavanyja ŭsie nieabchodnyja łahistyčnyja rašeńni pa pieraaryjentacyi ŭsich svaich hruzavych płyniaŭ, nie tolki ŭhnajeńniaŭ, u marskija party dziaržaŭ, jakija vykonvajuć svaje abaviazalnictvy i źjaŭlajucca nadziejnymi partniorami dla našaj krainy».
Treba dumać, havorka idzie pra Rasiju.
Čytajcie taksama:
Łandśbierhis pra pahrozy Łukašenki Litvie: Treba pryznać, spadaru Alaksandru vynachodlivaści nie zajmać
Łukašenka daručyŭ pryniać miery suprać Litvy ŭ vypadku admovy ad tranzitu hruzaŭ ź Biełarusi
Hałoŭčanka anansavaŭ «žorstkija miery» ŭ dačynieńni da Litvy
U paniadziełak praź Litvu prajšli apošnija ciahniki z hruzam «Biełaruśkalija»
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma26
Kamientary