Ekanomika

«Kommiersant'»: Alternatyŭnych varyjantaŭ dla transparciroŭki biełaruskaha kaliju ciapier niama

«Biełaruśkalij», jaki zabiaśpiečvaje bolš za 15% suśvietnaha rynku kalijnych uhnajeńniaŭ, praciahvaje rabić vyhlad, što ŭsio ŭ paradku, choć užo siońnia nie zmoža ekspartavać kalij z-za ŭstupleńnia ŭ siłu sankcyj ZŠA. Litva, praź jakuju adbyvajecca pieravałka bolšaj častki biełaruskaha kaliju, admoviłasia jaho transpartavać z 1 lutaha, choć hetyja pieravozki i zabiaśpiečvali tracinu dachodu miascovaj čyhuncy. Alternatyŭnych varyjantaŭ transparciroŭki ciapier niama, śćviardžaje žurnalist rasijskaha vydańnia «Kommiersant» Volha Mardziušenka.

Prakładka maršrutu praz Rasiju, jakuju Minsk abmiarkoŭvaje z Maskvoj užo niekalki hadoŭ, vyhladaje niemahčymaj. U rasijskich partach niama takoha abjomu svabodnych mahutnaściaŭ (maksimum na 2-3 młn ton u hod zamiest nieabchodnych 11 młn ton), a rasijskija kampanii nie chočuć padstaŭlacca pad sankcyi.

Ryzyki samim akazacca ŭ čornym śpisie Minfina ZŠA całkam zabivajuć i ŭsie inšyja tearetyčna mahčymyja schiemy, pra jakija ciapier havorać na rynku — ad kupli «Biełaruśkalija» abo stvareńnia sumiesnaha trejdara z rasijskaj abo zachodniaj kampanijaj da pieravałki biełaruskaha kaliju praz vuhalnyja terminały ŭ bih-behach i svopu z rasijskim kalijem.

Pry hetym, kažuć maje krynicy, Minsk navat nie sprabavaŭ damovicca ab novych schiemach z klučavymi rasijskimi kampanijami, u jakich jość transpartnyja mahutnaści.

Pra takija pieramovy na vyšejšym uzroŭni taksama nichto nie čuŭ, choć ich i nielha vyklučać. Ale navat kali Minsk znojdzie schiemu pastavak, zastajecca adkrytym pytańnie, chto kupić sankcyjny kalij. Narviežskaja Yara, jakaja atrymlivała kala 1,5 młn ton biełaruskaha kaliju, užo zajaviła ab spynieńni zakupak na fonie sankcyj.

Adzinym łahičnym tłumačeńniem biaździejnaści biełaruskaha boku mnie zdajecca ćviordaja ŭpeŭnienaść Minska ŭ tym, što ŭžo ŭ bližejšy čas ZŠA i Jeŭropa sami admoviacca ad błakady ekspartu kaliju paśla taho, jak ceny na jaho ŭźlaciać da histaryčnych rekordaŭ.

Užo ciapier u śviecie kaciroŭki kaliju ćviorda pieravyšajuć $500 za tonu, a ŭ vypadku spynieńnia pastavak ź Biełarusi, pavodle acenak ekśpiertaŭ, mohuć dasiahnuć $1000.

Ź inšaha boku, krainy Zachadu mohuć zychodzić z taho, što, choć chutka zamiaścić usie 11 młn ton biełaruskich pastavak budzie składana, mahčymaść źmiakčyć udar isnuje.

Kanadskaja Nutrien užo zajaŭlała pra hatoŭnaść chutka ŭvieści dadatkovyja mahutnaści. Akramia taho, što kampanija niadaŭna pašyryła svaju vytvorčaść, u jaje jość zakansiervavanyja aktyvy, jakija pry nizkich cenach na kalij byli nierentabielnyja.

«Usiaho, pavodle acenak maich surazmoŭcaŭ, kanadcy zmohuć davoli apieratyŭna zamiaścić da pałovy ekspartu ź Biełarusi. Ci budzie hetaha dastatkova, kab utrymać ceny na kalij u prymalnych miežach, ci ž ZŠA z časam pryjdziecca asłabić sankcyi, my nieŭzabavie daviedajemsia», — piša Volha Mardziušenka.

Čytajcie taksama:

Premjer Litvy: Jurysty staranna acanili ŭsie ryzyki skasavańnia damovy Litoŭskaj čyhunki z «Biełaruśkalijem»

Hałoŭčanka anansavaŭ «žorstkija miery» ŭ dačynieńni da Litvy

Kamientary

Ciapier čytajuć

U Madrydzie rasstralali byłoha daradcu Janukoviča9

U Madrydzie rasstralali byłoha daradcu Janukoviča

Usie naviny →
Usie naviny

Hrodzienskija čynoŭniki ŭpryhožyli centralnuju vulicu płastykavymi kvietkami, choć spačatku abiacali žyvyja

U Lidskim rajonie mužčyna žyŭcom spaliŭ svajho znajomaha

U Smalavickim rajonie žychary praciahvajuć zmahacca suprać sažałki dla adkidaŭ ź Minska3

Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany22

Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia1

«Moładź bolš dušeŭnaja i dobraja za nas». U Navapołacku dzieci samaarhanizavalisia, kab dapamahčy mužčynu, jaki ŭpaŭ, padniacca4

Łukašenka pachvaliŭsia, što jamu na dzień naradžeńnia padaryli ŭsiudychod24

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano15

bolš čytanych navin
bolš łajkanych navin

U Madrydzie rasstralali byłoha daradcu Janukoviča9

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić