Šerah krain zajaviŭ ab «prabiełach i nieadpaviednaściach» u infarmacyi Biełarusi nakont rejsa Ryanair
Pryviedzienaja Biełaruśsiu infarmacyja pra incydent z ekstranaj pasadkaj u Minsku borta avijakampanii Ryanair 23 maja 2021 hoda maje «prabieły i nieadpaviednaści», ličać niekalki dziaržaŭ — členaŭ Mižnarodnaj arhanizacyi hramadzianskaj avijacyi (ICAO).
Dziaržavy — členy Savieta ICAO 31 studzienia razhledzieli spravazdaču ab rasśledavańni padziej, źviazanych z ekstranaj pasadkaj u Minsku 23 maja samalota Ryanair, na jakim lacieli Raman Pratasievič i Safija Sapieha.
«Rada vykazała zakłapočanaść u suviazi z prabiełami ŭ infarmacyi, pradstaŭlenaj Biełaruśsiu, i nieadpaviednaściami, jakija ŭtrymlivajucca ŭ dokazach, jakija byli na momant rasśledavańnia, u dačynieńni da najvažniejšych aśpiektaŭ faktyčnaj rekanstrukcyi padziej. Rada padkreśliła, što pahroza vybuchu bomby ŭ dačynieńni da FR4978 była zahadzia iłžyvaj i pastaviła pad pahrozu biaśpieku samalota ŭ palocie», — paviedamlajecca ŭ pres-relizie.
Hrupie pa rasśledavańni incydentu z Ryanair daručana praciahnuć pracu, kab ustanavić usie fakty.
U abmierkavańniach pryniali ŭdzieł pradstaŭniki Biełarusi, Litvy, Polščy i Irłandyi. Hetyja krainy nie ŭvachodziać u Radu ICAO, ale majuć dačynieńnie da raźbiralnictva.
Čytajcie taksama:
U Ryanair nazvali ŭmovy adnaŭleńnia palotaŭ nad Biełaruśsiu
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary