Demakratyčnyja siły Biełarusi vydali sumiesny zvarot u suviazi z pryznačeńniem refierendumu
Demakratyčnyja siły Biełarusi skłali sumiesny zvarot i adpravili listy z ahulnaj pazicyjaj adnosna refierendumu na adras Jeŭrasajuza, ZŠA, Vialikabrytanii i ŭ ABSIE. Vydadzien zvarot ad imia Ofisa Śviatłany Cichanoŭskaj, Kaardynacyjnaha savieta i Narodnaha antykryzisnaha kiravańnia.
Padpisanty zvarota zaklikali zachodnija dziaržavy:
1. Vystupić z aficyjnymi zajavami ab niepryznańni za Łukašenkam prava na praviadzieńnie refierendumu. Heta, jak jany ličać, pazbavić refierendum jakoj by to ni było palityčnaj i jurydyčnaj značnaści, pierakreślić płany režymu na adnaŭleńnie stračanaj lehitymnaści;
2. Zajavić, što ŭ vypadku praciahu represij u dačynieńni da biełarusaŭ, jakija nie padtrymlivajuć imitacyjny «refierendum», suprać režymu Łukašenki buduć užytyja dalejšyja kansalidavanyja sankcyi;
3. Znoŭ publična padtrymać patrabavańni biełaruskaha naroda ab tym, što adzinym ustojlivym vychadam z kryzisu ŭ Biełarusi źjaŭlajecca vyzvaleńnie palitviaźniaŭ i praviadzieńnie novych daterminovych prezidenckich vybaraŭ pad mižnarodnym nazirańniem.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary