Kata, jaki źnik u Brytanii, znajšli pa miaŭkańni ŭ telefonnaj słuchaŭcy
Kot, jaki źnik bieź viestak vosiem miesiacaŭ tamu, uźjadnaŭsia sa svajoj haspadyniaj paśla taho, jak jana paznała jaho miaŭkańnie padčas telefonnaj razmovy ź vieterynaram.
Rejčeł Łoŭrens z Eseksa (Brytanija) kansultavałasia ź vieterynaram nakont svajoj inšaj koški, kali pačuła na zadnim płanie charakterny kryk kata, jaki źnik raniej, piša Bi-bi-si.
Joj patłumačyli, što heta badziažny kot, ale jana patelefanavała jašče raz i paprasiła jaho apisać. Tak Barnabi viarnuŭsia dadomu.
Łoŭrens kaža, što była ŭpeŭnienaja, što paznała miaŭkańnie źnikłaha ŭlubionca, tamu patelefanavała vieterynaru i spytała, ci byŭ toj znojdzieny kot, čyj hołas jana pačuła ŭ słuchaŭcy, čorny ź biełaj plamaj na zadniaj łapie.
Kali apisańnie paćvierdziłasia, jana ŭziała fota Barnabi i adpraviłasia ŭ kliniku.
Žančyna kaža, što «paznała jaho, jak tolki jaho zaviali ŭ pakoj».
«Ja nie mahła strymać emocyj i raspłakałasia ŭsłych, — uspaminaje jana. — My nie bačyli jaho vosiem miesiacaŭ».
Troje jaje dziaciej nazyvali Barnabi taŭstunom, ale kali jaho pryviali, jon byŭ «chudy, biez futra» i «ŭvieś pakryty jazvami», kaža Łoŭrens.
«Ciapier nam treba adkarmić jaho, kab jon znoŭ staŭ taŭstunom», — dzielicca płanami žančyna.
Jana śćviardžaje, što zapłaciła za čypavańnie Barnabi, pierš čym jon źnik bieź viestak, ale sumniavajecca, što praceduru vykanali naležnym čynam.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary