«Abvał mosta na Niamizie — namiok na toje, što možna zrabić horad lepšym i ŭtulniejšym» — ekśpiert
Lepš nie adnaŭlać most u raniejšym vyhladzie, a paličyć vyhady i zrabić alternatyvu, jakaja pojdzie na karyść horadu, havoryć dyrektar Biełaruskaj asacyjacyi ekśpiertaŭ i siurviejeraŭ na transparcie kandydat techničnych navuk Juryj Važnik, kamientujučy situacyju dla haziety «Biełarusy i rynak».
Ekśpiert pierakanany, što
«Niamiha vyhladała b lepš biez transpartu zusim, jak i vulica Lenina. U Minsku vielmi maleńkaja centralnaja piešachodnaja, turystyčnaja zona. Jana zvodzicca ŭsiaho tolki da Vierchniaha horada. U inšych haradach padobnaha rodu zony našmat bolšyja».
Prytym na hetym pry razumnym padychodzie možna navat zarablać hrošy:
«Byŭ taki ekśpierymient u Sieule: zakryli vielizarnuju mahistral i puścili pa joj raku. Na hetym zarabili prykładna 3 młrd dalaraŭ. Za košt turyzmu, inšaha vykarystańnia. Ź Niamihaj my mahli b zrabić toje ž samaje».
Tym bolš što šaniec niešta takoje zrabić valicca faktyčna sam u ruki:
«Ekśpierymient ź piešachodnaj vulicaj atrymaŭsia sam saboj. Ja b nie śpiašaŭsia adnaŭlać most u raniejšym vyhladzie. Tamu što jon byŭ daloka nie daskanały z punktu hledžańnia transpartnaj kanstrukcyi.
Ad vykarystańnia transpartnaj mahistrali my majem tolki vykidy i brud. Ciapier staić zadača nie prosta zrabić jak było, a paličyć vyhady i zrabić alternatyvu, jakaja pojdzie na karyść horadu».
Darečy, raniej u Minsku navat chacieli zrabić tunel pad praśpiektam zamiest mosta.
«Čym bolš my adchilajem patok ad centra, tym bolš efiektyŭnaj transpartnaja sistema budzie ŭ dalejšym. My ličym, što trafik pieršaha haradskoha kalca pavinien być abmiežavany. Až da ŭviadzieńnia płatnych zonaŭ.
Pakul praz centr možna budzie skaracić šlach, tudy budzie źjazdžacca transpart. Ale ŭ centry treba, kab ludzi adpačyvali, pili piva, vydatkoŭvali hrošy. Miunchien, Bierlin, jaki horad ni vaźmicie — centr adviedzieny dla piešachodaŭ.
Varyjantaŭ, čamu most abvaliŭsia, šmat, kaža Važnik, ale heta nie samaje važnaje pytańnie.
«Tut raźbiarecca śledstva. Ja heta razhladaju nie jak fatalnuju pamyłku abo prablemu. Heta namiok na toje, što možna zrabić horad lepšym i ŭtulniejšym».
Most cieraź Niamihu buduć prajektavać i budavać adnačasova
Kiraŭnik Minska paabiacaŭ za miesiac pabudavać novy most nad Niamihaj
Što viadoma pra most na Niamizie, jaki abrynuŭsia
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Kamientary