Kazachstan paprasiŭ dapamohi ŭ ADKB. Jakija biełaruskija vojski mohuć pajechać razhaniać pratesty?
Viečaram prezident Kazachstana Kasym Žamart Takajeŭ u svaim vystupleńni nazvaŭ pratestujučych «terarystyčnymi bandami» i dadaŭ, što jany biaruć pad kantrol bujnyja abjekty infrastruktury ŭ krainie. Takajeŭ zajaviŭ taksama, što pratestoŭcy zachapili aeraport ŭ Ałmacie, a taksama 5 samalotaŭ, u tym liku i zamiežnych. Jon nazvaŭ padziei ŭ Kazachstanie «źniešniaj ahresijaj» i paprasiŭ dapamohi ŭ ADKB.
Pa jaho słovach, «terarystyčnyja hrupoŭki» prajšli padrychtoŭku za miažoj, mienavita tamu, maŭlaŭ, Kazachstanu i patrebna dapamoha ŭ pieraadoleńni «terarystyčnaj pahrozy».
«Zvarot da partnioraŭ pa ADKB liču darečnym i svoječasovym», — zajaviŭ jon.
Pa infarmacyi «Echa Maskvy», havorka idzie pra ŭzhadnieńnie prybyćcia siłavikoŭ z Rasii i Biełarusi dla padaŭleńnia pratestaŭ.
Kaho ź biełaruskich siłavikoŭ mohuć adpravić u Kazachstan, kali Biełaruś adhukniecca na prośbu Takajeva?
U 2009 hodzie na bazie ADKB byli stvoranyja Kalektyŭnyja siły apieratyŭnaha reahavańnia dla supraćdziejańnia nadzvyčajnym situacyjam, a taksama vajskovaj ahresii, teraryzmu, arhanizavanaj złačynnaści i narkatrafiku.
Kožnaja kraina-udzielnica ADKB maje svaich pradstaŭnikoŭ, ad Biełarusi heta 103-ja hvardziejskaja pavietrana-desantnaja bryhada, jakaja raźmiaščajecca ŭ Viciebsku, jaje bajcy prymali ŭdzieł u vučeńniach ADKB. Taksama bryhada maje miratvorčuju rotu.
Jak stała viadoma «Našaj Nivie», na dadzieny momant bajcoŭ nie rychtujuć da adpraŭki ŭ Kazachstan. Kali heta i budzie zroblena, to najchutčej abirać buduć z kantraktnikaŭ.
U lipieni 2021-ha Tadžykistan prasiŭ dapamohi ADKB u achovie miažy z Afhanistanam, kali ŭładu tam zachapili taliby. Ale tady siły sajuznych vojskaŭ nie zadziejničali.
Dapoŭniena
Paśla apoŭnačy stała viadoma, što krainy-ŭdzielnicy ADKB usio ž vyrašyli nakiravać u Kazachstan miratvorčyja siły.
Čytajcie taksama: ADKB nakiruje miratvorčyja siły ŭ Kazachstan
Mierkavańnie: Varta Nazarbajevu było svoječasova syści, i jon zastaŭsia b u historyi pazityŭnym piersanažam
Kiraŭnik Lidy zaklikaŭ siłavikoŭ nie spyniać palityčnych represij28
Kamientary