Žurnalist Andrej Alaksandraŭ ź SIZA: Ja nie rasčaravaŭsia ŭ nivodnym čałavieku
Palitviazień zaznačaje: «Nikoli ŭ žyćci ja nie naziraŭ takoj kancentracyi ščyraści, dabryni, lubovi».
Adšukać krupinki radasnaha, dobraha i śvietłaha ŭ hetym zmročnym hodzie biełaruskaj historyi pasprabavała «Svaboda». Andrej Alaksandraŭ z-za krataŭ pryhadvaje, što jaho paradavała dy prymusiła ŭśmichnucca ŭ niaprostym 2021-m.
— Kali ja dumaju ab tym, što mianie paradavała ŭ 2021 hodzie, ja najpierš dumaju pra ludziej, jakija sioleta napisali i adasłali tysiačy listoŭ, paštovak i telehram (nu i nie budziem zabyvać pra pieradačy). Badaj nikoli ŭ žyćci ja nie naziraŭ takoj kancentracyi ščyraści, dabryni, lubovi, salidarnaści, čałaviečaj ciepłyni.
Mianie radavała, kali ludzi praz rasčaravańnie, biezdapamožnaść i bol šukali — i, spadziajusia, znachodzili — adkazy i sensy, nie zdavalisia, nie spynialisia.
Mianie radavała, kali ludzi pryznavali pamyłki i pačynali zadumvacca nad važnymi rečami, nad jakimi nie zadumvalisia raniej.
Mianie paradavała, što ja nie rasčaravaŭsia ŭ nivodnym čałavieku, jakoha/iakuju ličyŭ siabram — i zavioŭ šmat novych siabroŭ.
Mianie vielmi radavali, zusim jak u kłasika, «prostyja słovy, prostyja rečy»: toje, što baćki pišuć, byccam usio ŭ normie (nikoli ž nie pryznajucca, kali i nie); klanovy listok ci zasochłaja kvietačka ŭ liście; kali śledčy paśla dopytu pieradaje słovy kachańnia ad lubaj dziaŭčyny; kali siabra piša, što ŭ biaśpiecy; kali siabroŭka dasyłaje telehramu, što «Livierpul» zabiŭ piać razoŭ na «Ołd Trafard», i cytuje himn kłuba, jaki ja pierakłaŭ na rodnuju movu: «Ty nikoli nie budzieš adzin».
Tak, mianie paradavała, što ja mocna adčuvaŭ uvieś hety hod: ja nikoli nie budu adzin. Trochu vyhladaje na piekła dla intravierta — ale nasamreč, heta vielmi mocnaje adčuvańnie, jakoje natchniaje i nie daje zhubicca.
Dziakuj vam za hety hod!
***
Andrej Alaksandraŭ — žurnalist i miedyjamieniedžar, palitviazień. Aryštavany ŭ studzieni 2021 hoda; u červieni Alaksandravu vystavili abvinavačańnie pavodle č. 1 art. 356 Kryminalnaha kodeksa («Zdrada dziaržavie»). Jamu pahražaje ad 7 da 15 hadoŭ pazbaŭleńnia voli. Trymajuć jaho ŭ SIZA № 1 Minska («Vaładarcy»).
Śviatłana Aleksijevič raskazała, što pabačyła dobraha ŭ 2021-m
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary