«Tut nie budzie vostrasacyjalnych temaŭ». Onlíner patłumačyŭ źmieny ŭ redakcyjnaj palitycy
Partał Onlíner — adno ź niešmatlikich ucalełych niedziaržaŭnych miedyja ŭ Biełarusi. Apošnim časam tam pamienieła palityčnych navin, a paśla jany naohuł źnikli. Redakcyja raspaviała, što adbyvajecca.
Taki zvarot da čytačoŭ źjaviŭsia siońnia na partale:
«U apošnija miesiacy mnohija z vas mahli zaŭvažyć pieramieny ŭ navinovaj paviestcy Onlíner. Siońnia my sfarmulem asnoŭnyja źmieny, kab dystancyja pamiž nami zastavałasia minimalnaj.
Raździeł «Ludzi», jaki staŭ za apošnija hady našym hałoŭnym navinovym adlustravańniem hramadskaha žyćcia, pierastaŭ vykonvać svaje asnoŭnyja funkcyi. Kožny znojdzie ŭ hetym svaje pryčyny i nahody.
Našaje bačańnie takoje: Onlíner zaŭsiody prytrymlivaŭsia standartaŭ zdarovaha sensu, niama adnaho pravilnaha mierkavańnia, treba zadavać pytańni ŭsim. Kali ź niejkich pryčyn vykanańnie hetaha pryncypu niemahčyma — tekst nie vychodzić.
Ciapier «Ludzi» pierastajuć zajmacca navinami, ale praciahvajuć zajmacca historyjami zvyčajnych ludziej.
Novym stanovicca raździeł «Łajfstajł»: zdaroŭje, psichałohija, adnosiny, kultura i moda — usio toje, što farmiruje aktualnyja hrani čałavieka kožny dzień. Tut nie budzie vostrasacyjalnych temaŭ, kryminału i nadzvyčajnych zdareńniaŭ.
Zatoje budzie šmat artykułaŭ, jakija dapamahajuć stać lepšymi: razumniejšymi, bolš načytannymi, zdarovymi i mocnymi. Pa sutnaści, heta redakcyja ŭ redakcyi — paŭnavartasny internet-časopis, u jakim štodzień publikujucca historyi, repartažy, intervju i niasumnyja parady pra toje, jak palepšyć svajo žyćcio».
Naviny źniknuć z raździeła «Ludzi». U inšych — pra finansy, aŭto, technałohii i nieruchomaść — jany zastanucca.
«U astatnich raździełach pryncypova ničoha nie źmianiajecca. U «Ludziach» budziem publikavać tolki vialikija artykuły pra losy ludziej, pra mocnych biełarusaŭ, pra tych, kamu patrebna dapamoha», — tłumačyć hałoŭny redaktar Mikałaj Hradziuška.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary