Łukašenka choča ŭznačalić Usiebiełaruski narodny schod i pieradać UNS važniejšyja paŭnamoctvy
Alaksandr Łukašenka choča ŭznačalić Usiebiełaruski narodny schod i vyzvalić pasadu prezidenta dla «novaha pakaleńnia». Taki sens jahonaj zajavy ŭ intervju hałoŭnamu redaktaru rasijskaha časopisa «Nacyjanalnaja abarona».
Łukašenka kaža, što treba «uzakonić» UNS i «na hetyja pazicyi advieści ciapierašniaje pakaleńnie».
«Ja heta publična havaru. Voś my z taboj pavinny adyści va Ŭsiebiełaruski narodny schod. Voś hetaje pakaleńnie, jakoje stvaryła hetuju krainu i jakoje pamiataje tuju krainu, u jakoj my žyli — SSSR. I jakoje pamiataje i lubić, i addanaje kaštoŭnaściam, jakija my zaraz vyznajem. Idzie novaje pakaleńnie. Jano pavinna kiravać krainaj. Adtul i prezidenty, i premjery, i ŭrad, i deputaty, i sienatary, i hetak dalej. Jany adtul. Ale my pavinny ŭsio ž bačyć, što adbyvajecca», ‒ tłumačyć Łukašenka.
Paŭnamoctvy UNS pakul nie vyznačanyja, ale Łukašenka choča
pieradać schodu farmiravańnie Kanstytucyjnaha suda, pryznačeńnie staršyni Viarchoŭnaha suda, pytańni abviaščeńnia vajny i miru, impičmientu, adpraŭki vajskoŭcaŭ za miežy Biełarusi, farmiravańnie Centralnaj vybarčaj kamisii i inšaje.
Refierendum pa źmienach u Kanstytucyju zapłanavany na luty 2022 hoda. Ale navat prajekt novaha Zakonu jašče nie padrychtavany, nie kažučy pra toje, što prajekt jašče nie vyniesieny na hramadskaje abmierkavańnie.
Navošta Łukašenku novaja Kanstytucyja? Raźbirajemsia z ekśpiertami
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki38
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary