«Učorašniaje zatrymańnie źviazanaje z daŭnim vyšukam». Adpuścili biełaruskaha chakiera Paŭłoviča, jakoha zatrymali ŭ Rasii
Učora ŭ Rasii pa zapycie Interpała byŭ zatrymany viadomy biełaruski kardar Siarhiej Paŭłovič. U 2008 jon prachodziŭ pa spravie pa nibyta samym bujnym kradziažy pryvatnaj infarmacyi ŭ historyi ZŠA — heta byli dadzienyja bankaŭskich kart. U Biełarusi Paŭłovič byŭ asudžany na 10 hod, ale amierykancy nie pryznajuć adbyty ŭ Biełarusi termin.
Jak viadoma «Našaj Nivie», Paŭłoviča ŭžo adpuścili. Voś što jon nam raskazaŭ.
«Učorašniaje zatrymańnie było źviazanaje z daŭnim vyšukam 2007 hoda — my heta vyrašajem z amierykanskaj prakuraturaj, zdajecca, usio narmalna, ale vyšuk visić, — adznačyŭ prahramist. — Ja ŭčora zarehistravaŭsia ŭ hateli, zaźvinieŭ u bazie, pryjechali siudy orhany, ale ŭsio etyčna: zajšli ŭ restaran, ja jem, kažu: «Možna dajeści?» «Tak, Siarhiej Alaksandravič».
U adździele praŭda pasiadzieŭ z «bičami», potym u «abieźjańnik» zakinuli na paŭhadziny, šnurki zabrali, remień, hadzińnik. Ja pytaju: «Vy što? Mianie praz hadzinu ŭžo adpuściać». Mnie adkazali: «Nu tak, ale takija praviły».
Potym prakuror pryjechaŭ, my pahavaryli, ci byŭ ja ŭ ZŠA, levyja pytańni, adpuścili, ja žyvy i na svabodzie».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym4
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary