Advakatku Natallu Mackievič adchilili ad pracy. Jana baraniła Babaryku i Cichanoŭskaha
Advakatku Natallu Mackievič adchilili ad pracy, suprać jaje ŭ Miniuście raspačali dyscyplinarnuju vytvorčaść.
Pra heta Radyjo Svaboda paviedamiŭ były sudździa Alaksandr Dziadok, syna jakoha — palitviaźnia Mikałaja Dziadka — apošnim časam abaraniała advakatka.
Sama Natalla Mackievič ad kamientara admoviłasia. «Pakul ničoha kazać nie budu», — skazała jana.
Pavodle Alaksandra Dziadka, jon vałodaje dakładnaj infarmacyjaj, što Natallu Mackieivč ad pracy ŭžo adchilili:
«Staić pytańnie pra pazbaŭleńnie jaje licenzii. U majho syna ŭ vyniku ŭvohule pravavaja katastrofa — jon padčas sudovaha śledstva druhi raz zastajecca biez abarony. Spačatku pazbavili licenzii Jaŭhiena Masłava, ciapier pad takoj ža pahrozaj Natalla Mackievič. Tydzień tamu jana jašče zmahła naviedać syna ŭ SIZA na Vaładarskaha, płanavali, što naviedaje ŭčora, a tut takaja prablema. Liču, što heta metanakiravanaje pazbaŭleńnie prava na abaronu ludziej, jakija niepažadanyja režymu», — skazaŭ Alaksandr Dziadok.
Natalla Mackievič pracuje ŭ Minskaj haradskoj kalehii advakataŭ, abaraniała šmat kaho z palitviaźniaŭ, u tym liku Viktara Babaryku i Siarhieja Cichanoŭskaha.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku19
Kamientary