U Miadzininkai na miažy ź Biełaruśsiu — vializnaja čarha hruzavikoŭ, kiroŭcam nie chapaje ježy i lekaŭ
Kala Miadzininskaha KPP ź litoŭskaha boku kiroŭcy stajać užo niekalki dzion, siarod ich jość chvoryja zamiežniki, mahčyma, jany chvoryja na karanavirus, kiroŭcam nie chapaje ježy, vady, paviedamlaje Delfi.lt.
«U Miadzininkai vialikaja biada, nabrałasia bolš za 500 ciahačoŭ, miaža paralizavanaja, nikoha nie prapuskajuć, u kiroŭcaŭ niama ježy i elemientarnych srodkaŭ hihijeny, a adzin adčuvaje siabie vielmi drenna, u jaho, chutčej za ŭsio, karanavirus», — napisaŭ adzin z kiroŭcaŭ.
Jon raskazaŭ, što ŭ čarzie staić niamała biełaruskich, rasijskich i polskich kiroŭcaŭ, jakija zachvareli, ale nie mohuć viarnucca dadomu i lačycca. «Usio staić, ludzi žyvuć na placoŭcy pa 3-4 dni, nichto nikoha nie prapuskaje, ničoha nie paviedamlajuć. Da horada daloka, da kram daloka, aptek niama, my ŭ palach. Kiroŭcy telefanujuć pamiežnikam, im kažuć, maŭlaŭ, usio ŭ paradku, pracujem u zvyčajnym režymie. Prablemu treba vyrašać, a to budzie drenna», — skazaŭ kiroŭca.
U sistemie dyrekcyi KPP paznačana, što ŭ Miadzininkai stajać 318 ciahačoŭ, prahnazavany čas čakańnia — 43 hadziny, adnak kolkaść ciahačoŭ pavialičvajecca i na inšych KPP na miažy ź Biełaruśsiu. U Miadzininkai pravodziać rekanstrukcyju.
Pradstaŭnik Mytnaha departamienta Vitas Vałunhiavičus skazaŭ, što rychtujuć paviedamleńnie dla kiroŭcaŭ, im rekamiendujuć nie jechać u Miadzininkaj, dzie prapusknaja zdolnaść — 150 mašyn na sutki, a karystacca inšymi pierachodami.
Kamientary