Fazel: Ci byli abdymki z dyktataram Łukašenkam samaj vialikaj pamyłkaj u karjery? Tak
Šviejcarac sychodzić z pasady kiraŭnika Mižnarodnaj fiederacyi chakieja. Z hetaj nahody jon daŭ intervju, u jakim jaho spytali i pra pieraniesieny ź Minska čempijanat śvietu.
— Ci sapraŭdy abdymki z Alaksandram Łukašenkam byli samaj vialikaj pamyłkaj u vašaj karjery?
— Tak. Dumaju, ja pavinien heta pryznać. Usio heta rabiłasia z dobrymi namierami, ale ŭ rešcie rešt usio prosta pajšło kryva, — skazaŭ Fazel.
Nahadajem, Minsk byŭ pazbaŭleny prava na praviadzieńnie čempijanatu śvietu pa chakiei 2021 hoda.
Turnir pavinien byŭ prajści ŭ Ryzie i Minsku z 21 maja da 6 červienia ŭ 2021 hodzie. Pry hetym Łatvija jašče ŭ vieraśni admoviłasia prymać čempijanat razam ź Biełaruśsiu.
11 studzienia Rene Fazeel prylacieŭ u Biełaruś, dzie sustreŭsia z Alaksandram Łukašenkam. Nieŭzabavie prezident IICHF taksama zajaviŭ, što pravieści čempijanat u Minsku budzie vielmi składana.
Kampanii Skoda, Nivea i Liqui Moly admovilisia spansiravać turnir, kali jon projdzie ŭ Biełarusi.
Kamientary