Cichanoŭskaja nazvała pryncypy, na jakich hatovaja vybudoŭvać adnosiny z Rasijaj
17 vieraśnia Śviatłana Cichanoŭskaja ŭziała ŭdzieł u biełaruska-rasijskim dyjałohu — anłajn-kanfierencyi ab šlachach raźvićcia Biełarusi i Rasii i ich uzajemadziejańni. U kanfierencyi ŭziali ŭdzieł členy ekanamičnaj kamandy Cichanoŭskaj, rasijskija ekśpierty Siarhiej Huryjeŭ i Jaŭhien Hontmachier, biełaruskija ekśpierty Kaciaryna Barnukova i Maksim Bahracoŭ.
Cichanoŭskaja nazvała pryncypy, na jakich hatovaja vybudoŭvać adnosiny z Rasijaj:
«Pieršy pryncyp — heta viaršenstva prava. Luby rasijski inviestar abo handlovy partnior, jaki viadzie svaju dziejnaść zakonna, zmoža raźličvać na abaronu svaich intaresaŭ u niezaležnych biełaruskich i mižnarodnych sudach. Bolš nie budzie ryzyki być aryštavanym. Bolš nie budzie ryzyki stracić usie aktyvy na terytoryi Biełarusi tolki praz toje, što kamuści z čynoŭnikaŭ spadabaŭsia vaš biznes.
Druhi pryncyp — heta prazrystaść i adkrytaść damoŭlenaściaŭ. Bolš nie budzie padpisanych ździełak, pra źmiest jakich viedaje tolki vuzkaje koła nabližanych. Usie damoŭlenaści buduć adkrytymi i vyhadnymi dla ekanomik abiedźviuch krain.
Treci pryncyp — Biełaruś stanie partnioram, jaki vykonvaje ŭziatyja na siabie abaviazacielstvy i nie zajmajecca ŭzbahačeńniem za košt padmanu handlovych partnioraŭ.
Nastupny pryncyp — u novaj Biełarusi budzie vitacca kankurencyja i nie budzie śpiecyjalnych umoŭ, jakija zaraz atrymlivajuć nabližanyja da režymu biznesmieny».
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary