Ekśpiert: Pieramoha talibaŭ moža paskoryć pieramieny ŭ Biełarusi
Rasijskija prapahandysty i miedyja radujucca parazie ZŠA ŭ Afhanistanie. Adnak, padajecca, złaradnaść ciapier nie da miesca. I na toje jość niekalki pryčyn, tłumačyć palitołah Valer Karbalevič na sajcie Radyjo Svaboda.
«Pieramoha talibaŭ u Afhanistanie — heta vialikaja prablema dla Rasii. Bo ciapier pad pahrozaj apynułasia ŭsia Centralnaja Azija. Heta śfiera ŭpłyvu RF. Kazachstan, Kirhizstan, Tadžykistan — čalcy ADKB, u vypadku abvastreńnia situacyi Rasii daviadziecca ich abaraniać», — ličyć ekśpiert.
Jakija nastupstvy hetaha afhanskaha kataklizmu dla Biełarusi?
Pa-pieršaje, adznačaje Valer Karbalevič, jość ryzyka, što afhanskija ŭciekačy mohuć źjavicca na miažy Biełarusi z Łatvijaj, Litvoj, Polščaj. Pa toj samaj schiemie, pa jakoj tam źjavilisia irakskija mihranty. A achvotnych uciakać z Afhanistana ciapier vielmi šmat. Mihrancki kryzis vakoł Biełarusi moža abvastrycca.
Davoli papularnaja dumka, što na tle padziej u Afhanistanie Zachad zabudzie pra biełaruski kryzis. Ale ekśpiert ličyć, što heta mahčyma, dy i Łukašenka nie daść hetaha zrabić. Biurakratyčnaja mašyna ŭ spravie ŭviadzieńnia sankcyj ZŠA zapuščana, tamu naŭrad ci na jaje niejak paŭpłyvajuć padziei ŭ Afhanistanie.
«Prychod da ŭłady talibaŭ nie vyhadny ni Rasii, sa zhadanych pryčyn, ni ZŠA, ni ES (pahroza novaha mihranckaha kryzisu maštabu 2015 hodu), ni Kitaju. Moža źjavicca hleba dla pačatku supracoŭnictva Rasii i Zachadu pierad abliččam novaj pahrozy raspaŭsiudu radykalnaha isłamskaha teraryzmu. Jak toje było ŭ 2000-ch hadach. Heta značyć, što stupień kanfrantacyi pamiž RF, z adnaho boku, i ZŠA i ES, z druhoha boku, moža panizicca.
A voś režym Łukašenki dziela ŭłasnaha vyžyvańnia jakraz robić staŭku na hetuju kanfrantacyju, usialak abvastraje jaje. Jamu ŭdałosia ŭpisać zachavańnie svajoj ułady ŭ kanflikt Rasii i Zachadu, zrabicca važnym, nieabchodnym dla RF hulcom u hetym supraćstajańni.
I voś ciapier, kali Maskva i Zachad buduć vymušanyja šukać parazumieńnia dziela niejtralizacyi talibaŭ, režym Łukašenki moža stać pieraškodaj. Takoje raźvićcio padziej moža paskoryć pieramieny ŭ Biełarusi», — padsumoŭvaje Valer Karbalevič.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?8
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary