Minuŭ miesiac, jak zatrymali staršyniu Pravaabarončaha centra «Viasna» Alesia Bialackaha, namieśnika staršyni Valancina Stefanoviča i jurysta Uładzimira Łabkoviča. Ich trymajuć u SIZA.
Jak raspaviała Natalla Pinčuk, žonka Alesia Bialackaha, za ŭvieś čas jana atrymała ad jaho tolki try listy pad numarami adzin, try i šeść. Ciapier jana nie atrymlivała ad jaho viestak užo paŭtara tydni. Jak adznačaje Natalla, heta vielmi niepadobna da Alesia, bo padčas źniavoleńnia ŭ 2011-2014 jon dasyłaŭ šmat listoŭ. Aleś vielmi lubić pisać.
Taksama Natalla nie viedaje, jak i pry jakich umovach zatrymali Alesia 14 lipienia. U tuju ranicu jany byli nie razam. Natalla dakładna nie viedaje, što zabrali pry pieratrusie ź ich kvatery, bo siłaviki navat nie pakinuli pastanovu na pieratrus. Viadoma, što zabrali archiŭ «Viasny» za 1998 hod.
Žonka Valancina Stefanoviča Alina atrymała ad muža tolki adzin list. U im Valancin napisaŭ, što «nastrojvajecca na vielmi doŭhuju razłuku sa svabodnym śvietam, ale ŭsio adno spadziajecca na lepšaje».
Samaja składanaja situacyja z karespandencyjaj u Uładzimira Łabkoviča, piša «Viasna»: rodnyja atrymali tolki pa adnym liście ad jaho. A voś Uładź ad ich nie atrymlivaje viestak. Piša, što trymajecca «narmalna», nakolki heta mahčyma ŭ hetaj situacyi.
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač24
Kamientary